image


پەیامی کورد … دەرهێنەرێکی ئێرانی لەلایەن بنەماڵەکەیەوە پارچە پارچە کرا

 

تەرمی دەرهێنەرێكی ناسراوی ئێرانی بە پارچە پارچەكراوی لە ناو سەلەی خۆڵ و خاشاكدا لە تاران دۆزرایەوە و لەسەر تاوانەكەش باوك و دایكی دەستگیركران.

 

میدیاكانی ئێران بڵاویان كردەوە، لە ناوچەی ئەكباتانی تاران تەرمی بابەك خوڕەمدین دەرهێنەری سینەما بە پارچە پارچەكراوی دۆزراوەتەوە.

 

ئاماژەیان بەوەشكردووە، پۆلیس دایك و باوكی ئەو دەرهێنەرەی دەستگیركردووە و دانیان بەوەدا ناوە كە بە هۆی چەند ناكۆكیەكەوە سەرەتا كوڕەكەیان ژەهرخوارد كردووە و دواتر تەرمەكەیان پارچە پارچەكردووە و لە سەلەی خۆڵدا دایانناوە.

 

ناوی ئەو دەرهێنەرە لە ناوی سەركردەیەكی مێژوویی سەربازی ئێرانەوە وەرگیراوە، بەڵام تەنها ناوەكانیان لە یەك نەچووبوو، چارەنوسیشیان تاڕادەیەك وەك یەكبوو، بابەك خوڕەمدین كە لە دژی عەباسیەكان راپەڕیبوو، لەسەر فەرمانی خەلیفەی عەباسی سەرەتا دەستەكانی لێكرانەوە و  دواتر لە سێدارەدرا.