نێچيرڤان بارزانى و ڕهئيسى جهخت له برهودان به پهيوهندييهكان دهكهنهوه
سەرۆكی هەرێمی كوردستان و سەركۆماری ئێران كۆبوونەوە، جهختيان له برهودان به پهيوهندييهكانى ئێران لهگهڵ عێراق و ههرێمى كوردستان لهسهر بنهماى دراوسێيهتيى باش و بهرژهوهنديى هاوبهش و بهرزكردنهوهى ئاستى ئاڵوگۆڕى بازرگانى و پهيوهنديى ئابوورى كردهوه.
بهيانيى ئهمڕۆ دووشهممه 2024/5/6، نێچيرڤان بارزانى، سهرۆكى ههرێمى كوردستان، له تاران لهگهڵ ئيبراهيم ڕهئيسى، سهركۆمارى ئيسلاميى ئێران، كۆبووهوه.
له كۆبوونهوهكهدا، ههردوولا جهختيان له برهودان به پهيوهندييهكانى ئێران لهگهڵ عێراق و ههرێمى كوردستان لهسهر بنهماى دراوسێيهتيى باش و بهرژهوهنديى هاوبهش و بهرزكردنهوهى ئاستى ئاڵوگۆڕى بازرگانى و پهيوهنديى ئابوورى كردهوه.
ههروهها ستايشى پهيوهنديى دێرين و مێژووييى نێوان كۆمارى ئيسلامى و ههرێمى كوردستانيان كرد.
ڕهئيسى سوپاس و پێزانينى كۆمارى ئيسلامى بۆ ههرێمى كوردستان دهربڕى بۆ ئهو هاريكارييهى پێشكهش به زيارهتكارانى ئێرانى بۆ مهزارگه پيرۆزهكان له باشوورى عێراق دهكات له كاتى تێپهڕبوونيان به ههرێمى كوردستاندا.
لاى خۆيهوه ب سهرۆكى ههرێمى كوردستانيش سوپاسى پشتگيرى و هاريكاريى ئێرانى بۆ عێراق و ههرێمى كوردستان كرد.
له تهوهرێكى ديكهى كۆبوونهوهكهدا داكۆكييان له پێويستى و گرنگيى بهردهواميى ههماههنگى و هاريكاريى هاوبهشى كۆمارى ئيسلاميى ئێران لهگهڵ عێراق و ههرێمى كوردستان كردهوه بۆ پاراستنى ئارامى و سهقامگيريى ناوچهكه.