Li Silêmaniyê "Forûma Huner û Folklora Kurdî" dest pê kir

PeyamaKurd – Îro, Şemiyê li bajarê Silêmaniyê, bi armanca nîşandana dewlemendiya çanda Kurdî, "Forûma Huner û Folklorê" hat destpêkirin.

Ev çalakî ku dê du rojan berdewam bike, ji aliyê Komîteya Zanistî ya Çand û Hunerê ve hatiye organîzekirin. Gelek kesayetên naskirî yên warê çand, siyaset, edebiyat û hunerê ji seranserê Herêma Kurdistanê tevlî forumê bûne.

Di çarçoveya forûmê de, ji bilî pêşkêşkirina semîner û lêkolînên li ser dîrok û felsefeya çanda Kurdî, performansên hunerî yên cîhêreng ku rengê folklora Kurdî nîşan didin jî tên pêşandan.