DYAyê firotina sîstema ragihandinê ya leskerî ya 100 milyon dolarî pejirand

PeyamaKurd – Li gorî agahiyan, Wezareta Derve ya DYAyê firotina sîstema ragihandinê ya leşkerî ya bi nirxê 100 milyon dolarî bo Iraqê pejirand.

Ajansa Hevkariya Ewlehiyê ya Parastinê (DSCA), ku beşek ji Wezareta Parastinê ya DYAyê ye, derbarê firotina sîstema ragihandinê ya leşkerî ya bi bihayê 100 milyon dolarî bo Iraqê de daxuyaniyek weşand.

Di daxuyaniyê de hat ragihandin ku Wezareta Derve firotina sîstema ragihandinê û radyoyê ya bi bihayê 100 milyon dolarî bo Iraqê ji bo baştirkirina şiyanên fermandarî û kontrolê pejirand.

Li gorî vê yekê, firotina potansiyel tiştên wekî xalên gihîştina radyoyê, radyoyên portable, sîstemên îstasyona radyoyê û sîstemên dubarekirina radyoyê vedihewîne.