Daxuyaniya hevpar a Ozel û Bakirhan: "Ev derbe ew ê li hêza gel biqewimin"

PeyamaKurd – Hevserokê Giştî yê Partiya Wekhevî û Demokrasiyê (DEM) Tuncer Bakirhan, bi Serokê Giştî yê Partiya Komarî ya Gel (CHP) Ozgur Ozel re di daxuyaniya hevpar a çapemeniyê de diyar kir ku pêwîstiya Tirkiyeyê bi demokrasiyê heye û got, "Em weke partiyeke ku hevşaredarên wê girtî ne, ev derbe ew ê li hêza gel biqewimin"

Hevserokê Giştî yê DEMê Bakirhan piştî pîrozbahiya Newrozê çû Saraçhaneyê. Bakirhan û kesên pê re li vir bi rayedarên CHPê re hevdîtin kirin. Bakirhan û Ozel daxuyaniyeke hevpar dan.

Ozgur Ozel diyar kir ku wan pêvajoya dengdana ji bo namzediya serokomariyê heta saet 19.00an dirêj kirine û got, "Em ji ber vê hevgirtina gelekî giranbuha û ji destpêkê heta dawiyê bi biryardarî û dilsoziya xwe spasiya wan dikin."

Ozel diyar kir ku weke CHPê ew ê bi heman biryardarî, cesaret û hêza xwe li vir di têkoşîna demokrasiyê ya ku dane pêş de û têkoşîna hevpar a ji bo aştiya Tirkiyeyê di dema pêş de bê dayîn de bin û ev tişt anî ziman:

"Ji aliyekê ve em ji ber girtina şaredarê me gelek xemgîn û bi hêrs in. Ji aliyê din ve îro ku em şoreşa demokrasiyê dibînin, ji sindoqên endamtiyê deh qat zêdetir eleqeya li ser sindoqên hevgirtina gel heye."

Tuncer Bakirhan ev daxuyanî da:

“Em ji kevneşopiyeke siyasî ya ku gelek caran rastî van darbeyan hatiye. Em van darbeyan baş nas dikin, baş dizanin.

Hewldana dîzaynkirina siyaseta demokratîk bi rêya darazê ye. Li van xakan kevneşopiya parastina vîna xwe heye. Yên ku divê ji vê yekê ders derxin ew in ku dixwazin bi darê darazê siyasetê dîzayn bikin.

Ez dixwazim diyar bikim ku tişta li Stenbolê hat kirin, ruhê aştiyê xera kir. Derbeyên leşkerî rawestiyan û derbeyên qanûnî dest pê kirin. Em li dijî desteserkirina vîna gel in. Li ku derê neheqî hebe em li dijî wê ne û bi hev re ne. Em diyar dikin ku em ê vîna gel hembêz bikin.

Pêdiviya Tirkiyeyê bi demokrasiyê heye. Rastiyeke giştî heye ku vê mijarê qebûl nake. Van kiryaran zirarê dide 86 mîlyon mirov. Ez vê pirsê dikim: Kî ji vê operasyonê sûdê werdigire? Bawer bin, ev yek jî bi kêrî hikûmetê nayê."

Ev nivîs 77 car hatiye xwendin.