Hêzên Îsraîlê li gundewarê Quneytrayê yê Sûriyeyê bi pêş ve diçin
PeyamaKurd – Artêşa Îsraîlê roja Şemiyê bi wesayîtên zirxî yên giran ber bi gundê Samdaniya Şerqiye li gundewarê Quneytrayê yê başûrê Sûriyeyê ve pêş ve çûn.
Li gorî çavkaniyên herêmî, dewriyeya Îsraîlê ji heşt wesayîtên leşkerî, du tank û buldozerek zirxî pêk dihat. Her wiha balafirên keşfê li ser herêmê difirîn.
Ev pêşketin piştî wê yekê hat ku roja Înê li gundê el-Semdaniya el-Şerqiye nuqteyeke kontrolê ya demkî ya Îsraîlê hatibû danîn. Tê gotin ku leşkeran li vê nuqteyê nasnameyan kontrol dikirin û sivîlan lê digerandin.
Di heman demê de, du roj beriya vê pêşveçûnê, hêzên Îsraîlê di operasyoneke cuda de li gundewarê Deraayê yê başûrê Sûriyeyê du kes girtine.
Ev çalakî di nav zêdebûna kombûna leşkerî û provokasyonên hevbeş ên li ser sînorê Golanê de di hefteyên dawî de pêk tên.
Ev nivîs 46 car hatiye xwendin.
