Li Deryaya Res aloziya deryayî: Êrîsa duyemîn li dijî kestiya 'VIRAT'ê pêk hat

PeyamaKurd – Wezareta Veguhastin û Binesaziyê ya Tirkiyeyê ragihand ku keştiya bi navê "VIRAT"ê ya ku ji Misrê ber bi Rûsyayê ve diçû, li Deryaya Reş cara duyemîn rastî êrîşê hatiye. Di heman demê de, agirê bi tankera "KAIROS"ê ketî jî hatiye kontrolkirin.

Li gorî daxuyaniya Wezaretê, keştiya VIRATê îro serê sibê dîsa ji aliyê wesayîtên deryayî yên bêmirov (UDV) ve hatiye hedefgirtin.

Rewşa keştiya VIRATê

Di daxuyaniyê de hat diyarkirin ku di encama êrîşa duyemîn de zirareke kêm li aliyê rastê yê keştiyê çêbûye. Rayedaran got:

"Agir bi keştiyê neketiye û rewşa tenduristiya tîman baş e. Tîmên rizgarkirinê ji bo ewlehiyê mesafeya xwe diparêzin û keştî di rewşeke aram de ye."

Ekîba KAIROSê hat xilaskirin

Li aliyê din, derbarê tankera "KAIROS"ê ya ku duh piştî teqînekê agir pê ketibû de jî agahiyên nû hatin parvekirin. Tîmên Rêveberiya Giştî ya Ewlehiya Peravê, 25 endamên ekîba tankerê bi saxlemî tehliye kirin.

Agirê bi ser beşa vekirî ya keştiyê ketî, bi midaxeleya keştiyên "NENE HATÛN" û "KÛRTARMA-12"yê bi temamî hatiye vemirandin. Xebatên sarkirinê li beşên girtî didomin û pisporên jîngehê li herêmê dest bi lêkolînan kirine.

Çi qewimîbû?

Duh li Deryaya Reş du bûyerên cuda qewimîbûn. Keştiya VIRATê rastî êrîşa yekem hatibû û tankera KAIROSê jî teqiya bû. Ev her du bûyer bûne sedema zêdebûna fikarên ewlehiyê li ser xeta deryayî ya navbera Misir û Rûsyayê.