SOHR: Di çar rojan de piraniya wan Elewî 1383 sivîl hatin kustin

PeyamaKurd - Çavdêriya Mafên Mirovan a Sûriyê (SOHR) ragihand ku di şerûpevçûnên 4 rojan de li bajarên beravên Sûriyê 1383 welatiyên sivîl jiyana xwe ji dest dane.

SOHRê ragihand ku di navbera hêzên ewlehiyê û hêzên girêdayî Esadê hilweşandî de, di şerên li Lazikiyê û Tartûsê ku 4 rojan dom kirine de, herî kêm 1383 welatiyên sivîl jiyana xwe ji dest dane.

Li gorî amarên nû yê SOHRê, di şerên ji 6-10ê Adarê yên li peravên Deryaya Spî yên Lazikiyê û Tartûsê de herî kêm 1383 welatiyên sivîl jiyana xwe ji dest dane û piraniya wan Elewî ne.

Hate gotin ku piraniya termên wan li erdên çandiniyê an jî li malan hatine dîtin.

Hat diyarkirin ku windahiyên dawî li bajarên beravê yên Lazikiyê û Tartûsê û li Hema ya cîran hatine tomarkirin. Li gorî hejmarên fermî, di şer û pevçûnan de herî kêm 231 personelên ewlehiyê yên rêveberiya Şamê jiyana xwe ji dest dane, lê li gorî Çavdêriyê, ji hêzên Esad jî 250 kes hatine kuştin.