DAISê berpirsyariya 3 êrîsên li Dêra Zorê li xwe girt

PeyamaKurd – Rêxistina terorîst ya DAIŞê bi daxuyaniyekê berpirsiyariya sê êrîşên cuda yên li parêzgeha Dêra Zorê girt ser xwe. Hûrguliyên êrîşan di rapora heftane ya Ajansa Amaqê, ku wekî organa medyayê ya rêxistinê tê naskirin, hatin weşandin.

Li gorî daxuyaniyê, êrîş li navçeya Ebû Kemal, rêya El-Cefra û bajarokê Dîbanê pêk hatine.

Hûrguliyên sê êrîşan wiha ne:

• Êrîşa li Ebû Kemalê: Çekdarên rêxistinê li rojhilatê Dêra Zorê personelekî leşkerî yê girêdayî hikûmeta Sûriyê kirin hedef. DAIŞê îdia kir ku ev kes ji ber "şopandina tevgerên rêxistinê û sîxuriyê" hatiye hedefgirtin.
• Êrîşa li ser HSDyê: Êrîşa duyemîn li ser rêya zeviya petrolê ya El-Cefrayê pêk hat. Wesayîteke Hêzên Sûriyeya Demokratîk (HSD) rastî êrîşê hat. Di encamê de 2 endamên HSDê birîndar bûn û zirar gihîşt wesayîtê.
• Êrîşa li ser tankera petrolê: Li bajarokê Dîbanê, tankereke petrolê ku bi peyman ji bo HSDyê kar dikir, bû hedefa êrîşê.