Komîsyonê hejmara kursiyên partiyên Kurdistanê eskere kir

PeyamaKurd- Komîsyona Bilind a Serbixwe ya Hilbijartinan a Iraqê encamên destpêkê yên dengdana taybet û giştî ya serdema şeşemîn a parlamentoyê eşkere kirin. Li gorî encaman, Partiya Demokrat a Kurdistanê (PDK) bi awayekî berçav serkeftineke mezin bi dest xistiye û 30 kursî anîne. Partiyên Kurdistanê jî bi giştî 59 kursî di parlamentoya Iraqê de bi dest xistin.

Li gorî encamên ku hatine ragihandin, dabeşbûna kursiyên partiyên Kurdistanî li parlamentoya nû ya Iraqê wiha ye:

- Partiya Demokrat a Kurdistanê (PDK): 30 Kursî

- Yekîtiya Niştimanî ya Kurdistanê (YNK): 16 Kursî

- Tevgera Helwest: 5 Kursî

- Yekgirtûya Îslamî ya Kurdistanê: 4 Kursî

- Nifşê Nû: 3 Kursî

- Komela Dadgerî ya Kurdistanê: 1 Kursî

Bi vî awayî, partiyên Kurdistanî bi hev re 59 kursiyên parlamentoya nû ya Iraqê bi dest xistine.

Dengên Partiyên Kurdistanî

Di heman demê de, hejmara dengên ku partiyan li gorî encamên destpêkî wergirtine jî wiha ye:

- Partiya Demokrat a Kurdistanê (PDK): 1,099,826 deng

- Yekîtiya Niştimanî ya Kurdistanê (YNK): 548,296 deng

- Yekgirtûya Îslamî ya Kurdistanê: 166,904 deng

- Tevgera Helwest: 156,932 deng

- Nifşê Nû: 137,634 deng

- Komela Dadgerî ya Kurdistanê: 49,748 deng

- Bereya Gel: 20,995 deng

Hêjayî bibîrxistinê ye, proseya dengdana giştî roja Sêşemê, 11ê Mijdara 2025an û dengdana taybet jî roja Yekşemê 9ê Mijdarê, li seranserê Iraq û Herêma Kurdistanê birêve çûbû. Li gorî amarên Komîsyonê, rêjeya beşdariyê di dengdana taybet de %82.42 û di dengdana giştî de jî nêzîkî %54.35 bû.