Serokê Kurdistanê li Tehranê dest bi hevdîtinan kir
PeyamaKurd - Serokê Herêma Kurdistanê Nêçîrvan Barzanî ku li ser vexwendina fermî ya Îranê li Tehranê ye, dest bi hevdîtinên xwe yên bi payebilindên Îranê re kir
Nêçîrvan Barzanî ku li ser vexwendina fermî ya Îranê duh çû Tehranê, dest bi danûstandinan kir. Nêçîrvan Barzanî wê di destpêkê de bi Serokomarê Îranê Îbrahîm Reîsî re bicive.
Hate ragihandin ku Serokê Herêma Kurdistanê Nêçîrvan Barzanî ji bo bi Serokkomarê Îranê Îbrahîm Reîsî re hevdîtin pêk bîne derbazî Koşka Serokkomariyê bûye.
Serokê Herêma Kurdistanê Nêçîrvan Barzanî, wê bi rêberê olî yê Îranê Elî Xamaneyî, Serokê Parlamentoya Îranê Mihemed Bagir Galibaf û Wezîrê Derve yê Îranê Husên Emîr Ebdullahiyan re jî civînan pêk bîne.
Di vê serdanê de Nêçîrvan Barzanî ya Îranê de, Cîgirên Serokê Herêma Kurdistanê Cafer Şêx Mistefa û Mistefa Seyît Qadir, Wezîrê Navxweyî yê Herêma Kurdistanê Rêber Ehmed û Berdevkê Serokatiya Herêma Kurdistanê Dilşad Şahab jî di nav şandeya Herêma Kurdistanê de cih girtin.
