لە سەرهێرشەکانى سوپاى تورکیا حکومەتی سووریا بە دەنگ هات
لە بەیاننامەیێکدا وەزارەتى دەرەوەى حکوومەتى سووریا ئۆپراسیۆنەکەى تورکیاى لە سنوورى عەفرین بە داگیرکردنى خاکى سووریا لەقەڵەم دەدات و دەنووسێت "ئۆپراسیۆنى چڵە زەیتوونى سوپاى تورکیا لە باکوورى سووریا دوژمنایەتى ڕاستەوخۆیە بۆ سەر کۆمارى عەرەبی سووریا و سەلامەتی خاکەکەى".
وەزارەتى دەرەوەى حکوومەتى سووریا باسى لەوەش کردووە کە بوونى هەر هێزێکى سەربازیی بیانى لەسەر خاکى سووریا بە بێ ڕەزامەندى دەوڵەتەکە دوژمنایەتى و داگیرکردنى وڵاتە.
شایەنى باسە زیاتر لە ١٥ ڕۆژە سوپاى تورکیا لە ژێر ناوى ئۆپراسیۆنى چڵە زەیتوون هێرشى کردووەتە سەر عەفرین لە ووڵاتى سووریا و بە هێرشى ئاسمانى و زەوینى خەریکى کوشتنى خەڵکى سڤیلە ، بەهانەى "ڕەواندنەوەى مەترسى سنوورەکانى تورکیا"، بۆیە جێگەى سەرسووڕمانە کە وەزارەتى دەرەوەى حکومەتى سوریا تازە بیرى دەکەوێتەوە کە هێرش کراوەتە سەر خاکەکەى.