ئەمریکا هۆشداری دەداتە ئۆکراین کە ناتوانێت بەردەوام بێت لە دابین کردنی چەک لە ئاستی پێویست دا

پەیامی کورد   ...   ئەمریکا هۆشداری دەداتە ئۆکراین کە ناتوانێت بەردەوام بێت لە دابین کردنی چەک لە ئاستی پێویست دا

دان دریسکۆڵ وەزیری سوپای ئەمریکا هەفتەی ڕابردوو بە شێوەیەکی تایبەت هۆشداری دا بە بەرپرسانی ئۆکراین لە کیێڤ کە واشینتۆن ناتوانێت چەک و بەرگری ئاسمانی بەو قەبارەیە دابین بکات کە پێویستە بۆ پاراستنی ژێرخانی ووڵاتەکە.

🔹 ئێن بی سی نیووز بە پشت بەستن بە سەرچاوە ئاگادارەکان لەو بابەتە ڕایگەیاند، شاندەکەی ئەمریکا بە ڕژێمی کیێڤ یان ڕاگەیاندووە کە پیشەسازی بەرگری ئەمریکا “ناتوانێت بەردەوام بێت لە دابین کردنی چەک و بەرگری ئاسمانی بۆ ئۆکرانیا لەو ئاستەی کە پێویستە”.

🔹 دریسکۆڵ هەروەها هەڵسەنگاندنێکی تاریکی بۆ بەرەکانی شەڕ پێشکەش کرد و ووتی ئۆکراین ڕووبەڕووی دۆخێکی "ناخۆش" بووەتەوە و مەترسی "شکستێکی نزیک"ی لەسەرە لەلایەن هێزەکانی ڕووسیا ئەگەر بەرەو یەکلایی کردنەوەی دانووستان نەڕوات.

🔹 ئەو پەیامە لە چوارچێوەی هەوڵەکانی واشینتۆن هات بۆ پێش خستنی پێشنیاری ئاشتی کە لە پەرەسەندن دایە.

هاوکات، لاڤرۆڤ، وەزیری دەرەوە، پێشتر ڕایگەیاندبوو کە ڕووسیا چاوەڕێی ڕەشنووسی وەشانی ئەو پلانەیە کە ئەمریکا دوای دانووستان لەگەڵ ئەورووپا و ئۆکراین پێشکەشی دەکات و بە پشت بەستن بە ئەوەی کە ئایا "ڕۆح و دەقەکەی" هاوتایە لەگەڵ ئەو لێک تێگەیشتنەی کە لە نێوان سەرۆک پووتین و ترامپ لە ئالاسکادا دەگونجێت، ووڵامی دەداتەوە.