ئەمریکا هێرشی فڕۆکەی بێفڕۆکەوان بۆ سەر کێڵگەی گازی کۆرمۆر بە تیرۆریستی ناودەبات

پەیامی کورد   ...   ئەمریکا هێرشی فڕۆکەی بێفڕۆکەوان بۆ سەر کێڵگەی گازی کۆرمۆر بە تیرۆریستی ناودەبات

وەزارەتی دەرەوەی ئەمریکا بە تووندی ئیدانەی هێرشی فڕۆکەی بێفڕۆکەوان بۆ سەر کێڵگەی گازی خۆر مور لە پارێزگای سلێمانی لە هەرێمی کوردستان کرد و بە "نوێترین هەوڵەکانی ئەکتەرە واێرانگەر بۆ تێکدانی سەقامگیری عێراق و بە ئامانجگرتنی وەبەرهێنانەکانی ئەمریکا" وەسف کرد.

لە بەیاننامەیەکدا کە ڕۆژی پێنجشەممە ٢٧ی ئەم مانگە لە پەیجی فەرمی وەزارەتی دەرەوەی ئەمریکا بە زمانی فارسی لە کەناڵی ئێکس بڵاوکراوەتەوە، ئاماژەی بەوە کردووە، واشینتۆن هاوشانی حکوومەتی هەرێمی کوردستان و هاوبەشەکانی دیکەی عێراق داوای لە حکوومەتی فیدراڵی عێراق کردووە "دەستبەجێ هەنگاو بنێت بۆ لێپرسینەوە لە ئەنجام دەرانی ئەم هێرشە تیرۆریستییە".

ویلایەتە یەکگرتووەکانی ئەمریکا ڕایگەیاند کە ئامادەیە پاڵپشتی لە هەوڵەکان بکات بۆ پاراستنی ئەم ژێرخانە گرنگە و جەختی لەوە کردەوە کە "دەبێت هەموو چەکەکان بەتایبەت فڕۆکەی بێفڕۆکەوان و مووشەک بخرێنە ژێر کۆنترۆڵی حکوومەتی عێراق ەوە".