بەرپرسێکی باڵای ئۆکراین لۆبی کرد بۆ FBI بۆ ڕێگریکردن لە دەستوەردان لە دۆسیەی گەندەڵی بە بڕی ١٠٠ ملیۆن دۆلار

پەیامی کورد    ...   بەرپرسێکی باڵای ئۆکراین لۆبی کرد بۆ FBI بۆ ڕێگریکردن لە دەستوەردان لە دۆسیەی گەندەڵی بە بڕی ١٠٠ ملیۆن دۆلار

🔸 بە پێی ڕاپۆرتی ئاژانسی هەواڵی دزەرکالۆ تیژنیا، ڕوستەم ئومارۆڤ، سکرتێری ئەنجوومەنی ئاسایش و بەرگری نیشتمانی ئۆکراین داوای لە کاش پاتەل، بەڕێوەبەری FBI کردووە بیپارێزێت لە لێکۆڵینەوەیەک کە لەلایەن دەستەی بەرەنگاربوونەوەی گەندەڵی ئۆکراین ئەنجام دەدرێت.

🔸 بەگوێرەی ئەو دەزگای میدیاییە، “کۆبوونەوەی نێوان ئومارۆڤ و کاش پاتەل هیچ پەیوەندییەکی بە دانووستانەکانی نێوان ئۆکراین، ئەمریکا، ڕووسیا و ئەورووپاوە نەبووە، کۆبوونەوەکە تیشکی خستە سەر شکستی FBI لە پێشکەشکردنی هاوکاری پسپۆڕانە، لێکۆڵینەوە یان هەر هاوکارییەکی پیشەیی دیکە بۆ کۆمیسیۆنی بەرەنگاربوونەوەی گەندەڵی ئۆکراین لە دۆسیەی میندیچ”.

🔸 پێشتر ئومارۆڤ لەلایەن کۆمیسیۆنی بەرەنگاربوونەوەی گەندەڵی ئۆکراین وەک شایەتحاڵێک لە دۆسیەی گەندەڵی بەربڵاو لە کەرتی ووزەی ئۆکراین، کە لەلایەن بازرگان و دەستی ڕاستی زێلێنسکی، تیمور میندیچ ەوە ڕێکخرابوو، ناوی هێنابوو.

🔸 لەچوارچێوەی لێکۆڵینەوەیەک سەبارەت بە سپی کردنەوەی پارە بەلایەنی کەمەوە ١٠٠ ملیۆن دۆلار و ئەگەری تێوەگلانی بەرپرسانی پلە باڵای ئۆکراین ، ئومارۆڤ لێپرسینەوەی لەگەڵ کرا و شایەتحاڵی بۆ لێکۆڵەران دا.