دۆناڵد ترامپ : "کۆچبەری لە هەموو ووڵاتانی "جیهانی سێیەم"ەوە بۆ هەمیشە ڕادەگرێت." 

پەیامی کورد   ...   دۆناڵد ترامپ : "کۆچبەری لە هەموو ووڵاتانی "جیهانی سێیەم"ەوە بۆ هەمیشە ڕادەگرێت." 

دۆناڵد ترامپ، لە پەیامێکیدا لە تۆڕی کۆمەڵایەتی خۆی (ترووس) ڕایگەیاند : کە ئەم کارە بە ئامانجی “گەڕاندنەوەی تەواوەتی سیستەمی ئەمریکا” دەكرێت.

هەروەها ترامپ بەڵێنی دا هەموو وەرگرتنێكی کۆچبەران لە سەردەمی بایدن هەڵبوەشێنێتەوە، بەتایبەتی ئەوانەی بە واژووی ئۆتۆماتیکی پەسەند كراون، ئاماژەی بەوەش کرد، ئیدارەکەی ئەو کەسانە لادەبات کە "سوودیان بۆ ئەمریکا نییە یان توانای خۆش ویستنی ئەم ووڵاتەیان نییە". ئاماژەی بەوەش کرد، سەرجەم یارمەتییە فیدراڵییەكان بۆ کەسانی غەیرە دەبڕدرێن. 

ترامپ هەڕەشەی ئەوەی کرد کە ئەو کۆچبەرانەی کە "ئاشتی ناوخۆیی ئەمریکا تێک دەدەن" ڕەگەزنامەیان لێ بسێندرێتەوە و هەر بیانییەک کە بە "بارگرانی دارایی، هەڕەشەیەکی ئەمنی، یان ناگونجێت لەگەڵ شارستانیەتی ڕۆژئاوا"، دیپۆرتی دەکاتەوە. ئەو ئامانجی ئەو بەرنامەی بە "کەم كردنەوەی ڕێژەی نایاسایی و تێکدەر" ناوبرد. 

لە کۆتایی دا ووتی ئەوانەی “ڕقیان هەیە، دزی دەکەن، دەکوژن و لەناو دەبەن، بۆ ماوەیەکی زۆر لەم ووڵاتەدا نابن”.