لە ئەنجامی هاتنەناوەوەی هێزەکانی ئیسرائیل بۆ باشووری ڕۆژئاوای دیمەشق ١٣ هاووڵاتیی سووری کوژران

پەیامی کورد- دیمەشق
لە ئەنجامی پەرەسەندنێکی نوێ لە باشووری ڕۆژئاوای دیمەشق دوێنێ هەینی، زیاتر لە ١٣ هاووڵاتیی سووری کوژران. ئەمەش لە کاتی ئۆپەراسیۆنێکی هاتنەناوەوەی دوو مەفرەزەی سەربازیی ئیسرائیلدا هات بۆ دەوروبەری شارۆچکەی "بەیت جەن" لە گوندەواری دیمەشق، کە بەدوایدا بۆردومانێک کرا و دەوروبەری شارۆچکەکەی کردە ئامانج.
سەرچاوەکان لە ناوچەکە بە پەیامی کوردیان راگەیاند کە لەگەڵ ئەو هاتنەناوەوەیەدا شەڕ و پێکدادان لە نێوان هێزەکانی ئیسرائیل و چەکدارانی ناوچەکە ڕوویداوە کە هەوڵیان داوە ڕووبەڕووی هێزە پێشڕەوەکان ببنەوە، ئەمەش لەکاتێکدایە زانیاری هەیە لەبارەی ژمارەیەک بێسەروشوێنبوو کە هێشتا بارودۆخی دیارنەمانیان نادیارە.
هەروەها سەرچاوەکان ئەوەشیان خستەڕوو، کە ئۆپەراسیۆنەکە بووەتە هۆی برینداربوونی ژمارەیەک لە سەربازانی ئیسرائیل، هاوکات بۆردومانەکە بووەتە هۆی ڕووخانی خانوویەک و فڕۆکەی جەنگیش بە چڕی لە ئاسمانی ناوچەکەدا دەسوڕایەوە