وۆڵ ستریت ژۆرناڵ : سەدان ملیۆن دۆلار پارەی نەوتی کۆماری ئیسلامی لە دوبەی یەوە دەچێتە گیرفانی حیزبۆڵڵا

پەیامی کورد    ...   وۆڵ ستریت ژۆرناڵ : سەدان ملیۆن دۆلار پارەی نەوتی کۆماری ئیسلامی لە دوبەی یەوە دەچێتە گیرفانی حیزبۆڵڵا

ڕۆژنامەی وۆڵ ستریت ژۆرناڵ بڵاویکردەوە، کۆماری ئیسلامی لە ماوەی یەک ساڵی ڕابردوودا سەدان ملیۆن دۆلاری بۆ گرووپی تیرۆریستی حیزبۆڵڵا لە ڕێگەی نووسینگەكانی ئاڵوگۆڕ و کۆمپانیا بازرگانییەکانی جێگیر لە ئیمارات، بە تایبەت دوبەی ناردووە.

بەگوێرەی سەرچاوە ئاگادارەکانی ئەمریکا و ناوچەیی کە قسەیان بۆ ڕۆژنامەکە کردووە، ئەم پارانە بە شێوەیەکی سەرەکی لە فرۆشتنی نەوتی ئێران دابین دەكرێن و لە ڕێگەی تۆڕە دارایی یە نافەرمیەکانی ناسراو بە "حەوالە" و کۆمپانیا شاراوەكان بەرەو لوبنان دەنێردرێن.

ڕاپۆرتەکە هاوكات ئاماژەی بە هەوڵە  نوێیەكەی وەزارەتی گەنجینەی ئەمریکا كردووە کە چەندین نووسینگەی ئاڵوگۆڕ و دامەزراوە دارایی یەکانی پەیوەست بەم تۆڕەی خستووەتە لیستی سزاکانییەوە. 

کاربەدەستانی ئەمریکی دەڵێن کۆماری ئیسلامی دوای ئەوەی لە شەڕی ئەم دوایی یەدا گورزی قورس بەر ژێرخانی دارایی حیزبوڵڵا كەوتووە، بە دوای ڕێگای نوێ و نهێنی تردا بۆ دابینکردنی دارایی ئەو گرووپە دەگەڕێت.