وەزیری دەرەوەی ئێران: ئامادەین سەردانی بەیروت بکەین و لەگەڵ لوبنان لاپەڕەیەکی نوێ دەست پێ بکەین

عەباس عەراقچی، وەزیری دەرەوەی ئێران، سوپاس و پێزانینی خۆی بۆ ئەو بانگهێشتە دەربڕی کە لەلایەن هاوتا لوبنانییەکەیەوە، یوسف ڕاجی، هاوکات سەرسوڕمانی خۆی دەربڕی بەرامبەر بە حەماسەت نەبوونی ڕاجی بۆ دەستپێشخەرییەکەی ئێران. عەراقچی ڕایگەیاند، پەیوەندییە "تەواو برایانە"کانی نێوان هەردوو وڵات پێویستی بە ئەنجامدانی کۆبوونەوە لە شوێنە بێلایەنەکان نییە، ئەمەش بە وتەی ئەو پرسیار دەوروژێنێت. ئاماژەی بەوەشکرد، لە دوودڵی وەزیری لوبنان بۆ سەردانی تاران تێدەگات بەهۆی "داگیرکاریی ئیسرائیل و پێشێلکارییە بەردەوامەکانی ئاگربەست"، ئامادەیی خۆی بۆ سەردانی بەیروت و قبوڵکردنی بانگهێشتی ڕاجی "بە خۆشحاڵییەوە" ڕاگەیاند. ناوبراو جەختی لە گرنگی "سەرەتای نوێ" لە پەیوەندییە دووقۆڵییەکان و پابەندبوونی تاران بە پتەوکردنی هاوکاری لەگەڵ بەیروت لە نێوان گرژییە ناوچەییەکان کردەوە.