پشتیوان سادق لەگەڵ کادیرانی لقەکانی ( ٢-١٦-٢٣-٢٤) کۆبووەوە

پەیامی کورد   ...   پشتیوان سادق لەگەڵ کادیرانی لقەکانی ( ٢-١٦-٢٣-٢٤) کۆبووەوە

لە دیدارێکدا پشتیوان سادق، ئەندامی مەکتەبی سیاسی و بەرپرسی مەکتەبی ڕێکخستنی پارێزگای ھەولێر لەگەڵ ژمارەیەک لە ھەڤاڵ و کادیرانی سنووری ھەر چوار لقەکانی (٢، ١٦، ٢٣، ٢٤) بەڕێوەچوو.

یەکشەممە ١٩-١-٢٠٢٥، بە سەرپەرشتی دکتۆر پشتیوان سادق، لە بارەگای مەکتەبی ڕێکخستنی پارێزگای ھەولێر، بە ئامادەبوونی چیا ھەرکی یاریدەدەری بەرپرسی مەکتەب و ھەریەک لە بڵند ئیسماعیل بەرپرسی لقی دوو و سەنگەر کانەبی بەرپرسی لقی٢٣ و ڕزگار ئەنوەر بەرپرسی لقی ٢٤، کۆبوونەوەیەکی فراوان لەگەڵ ژمارەیەک لە ھەڤاڵ و کادیرانی سنووری ھەر چوار لقی (٢، ١٦، ٢٣، ٢٤) بەڕێوەچوو.

لە سەرەتایی کۆبوونەوەکەدا، دکتۆر پشتیوان سادق بە ووردی باسی دوایین پێشھات و گۆڕانکارییە سیاسیەکانی ناوخۆ و عێراق و ناوچەکەی کرد. 

دواتر بەرپرسی مەکتەبی ڕێکخستنی پارێزگای ھەولێر، ئاماژەی بەوەکرد، پارتی دیموکراتی کوردستان، ڕوانگە و  دیدگاییەکی ڕوونی ھەیە، ئەویش کوردستانێکی بەھێزە، کە مافی سەرجەم پێکھاتەکانی تێدا فەراھەم بکرێت و ھەروەھا ڕێز لە بەھا پیرۆزەکانی نیشتیمان بگیرێت. 

لە کۆتایی کۆبوونەوەکەدا، پشتیوان سادق، باسی لەوەکرد، کە حکوومەتی ھەرێمی کوردستان لە گشت سێکتەرەکان خزمەتێکی زۆری بە ھاووڵاتیانی خۆشەویست کردووە.