پەیامی کورد   ...   کوڵبەرێک بە تەقەی ڕاستەوخۆی هێزە چەکدارەکانی ئێران لە سنووری مەریوان گیانی لە دەستدا

ڕۆژی سێشەممە ۲٤ی پوشپەڕی ۱٤۰٤، کوڵبەرێکی کورد بە ناوی “پەیام ئەحمەدی” خێزاندار و باوکی منداڵێک، خەڵکی ئاوایی “بەرقڕو”ی سەر بە سەوڵاوا بە تەقەی ڕاستەوخۆی هێزە نیزامییەكانی ئێران لە ناوچەی سنووری “هەنجیران”ی سەر بە شاری مەریوان گیانی لە دەستدا .

بە پێی سەرچاوەكانی هەواڵ، پاسەوانانی سنوور بە بێ ئاگادار کردنەوەی پێشوەختە تەقەیان لە کۆمەڵێک کۆڵبەر کردوە و لە ئاكام دا پەیام ئەحمەدی فیشەکی بەرکەوتووە و دەست بەجێ گیانی لە دەست داوە.

 بەهۆی تەقەی زۆر و میلیتاریزە کردنی ناوچەکە، تەرمی پەیام ئەحمەدی سەرلەبەیانی ڕۆژی چوارشەممە ۲٥ی پووشپەڕ لە لایەن خەڵکی ناوچەکەوە بۆ نەخۆشخانەی مەریوان گواسترایەوە.