ئاژانسە میدیاییەکانی عێراق : ئه‌مریكا به‌م زووانه ووڵامی هێرشەکانی ئەم دواییانە دەداتەوە
پەیامی کورد ... ئاژانسە میدیاییەکانی عێراق : ئه‌مریكا به‌م زووانه ووڵامی هێرشەکانی ئەم دواییانە دەداتەوە
به‌پێی هه‌واڵی هەواڵدەرییەکانی عێراق، ڕۆژی چوارشه‌ممه ڕێكه‌وتی ٧ی جووڵای ٢٠٢١، ووته‌بێژی موسته‌فا كازمی سه‌رۆكوەزیرانی عێراق، دژكرده‌وەی سه‌باره‌ت به هێرشی مووشەكی بۆ سه‌ر بنكه و باره‌گاکانی ئه‌مریكا نیشاندا و ووتی دوژمنانمان له ڕاده‌به‌ده‌ر بزێو و سەرکێش بوونە.
ووته‌بێژی سه‌رۆكوەزیرانی عێراق ههروهها ڕایگه‌یاند، جارێكی دیكه‌ش دوژمنانی سه‌ركێشی عێراق له هێرشێكی تیرۆریستی دیكه بۆ سه‌ر فڕۆكه‌خانه‌ی هه‌ولێر و بنكه‌ی عەین ئه‌سه‌د و وه‌زاره‌تی به‌رگری عێراق، هێمنایه‌تی ووڵاتیان شێواندووه و سڵامه‌تی هاووڵاتیانی عێراقیان خستوەته مه‌ترسییه‌وه.
سه‌رتیپ یه‌حیا ڕه‌سووڵ، ههروهها ڕایگه‌یاند ئه‌و هێرشانه، پێشێلكردنی یاسا و دەستدرێژی بۆ سەر پێگه‌ی ده‌وڵه‌ته و پابه‌ند نه‌بوون به یاسا نێونه‌ته‌وه‌ییه‌کانە.
هەر لەو پێوەندییەدا، سەرچاوە عێراقییەکان ئاماژەیان بە هۆشداری تووندی ئه‌مریكا بە سیاسه‌تمه‌دارانی عێراقی سه‌باره‌ت به هێرشی ڕاكێتی بۆ سه‌ر بنكه و باره‌گاکانی ئه‌و ووڵاته کردووە.
بە پێی زانیارییەکان لە زاری بەرپرسێکی دەوڵەتی عێراق ڕایگه‌یاند كه دیپلۆماته‌كانی ئه‌مریكا په‌یامێكی تووندییان سه‌باره‌ت به هێرشەکانی ئەم دواییانە ئاراسته‌ی سیاسه‌تمه‌دارانی عێراقی كردووه.
ئه‌و بەرپرسەی دەوڵەتی عێراق ڕایگه‌یاند كه ئه‌مریكا به زووترین كات، ووڵامی هێرشەکانی ئه‌و گرووپە میلیشیایانە ده‌داته‌وه كه هێرشیان كردوەته سه‌ر بنكه و باره‌گاکانی ئه‌مریكا له هه‌ولێر، ئه‌نبار و بەغدا.
ئەم بابەتە 11990 جار خوێندراوەتەوە