پەیامی کورد     ...   ئێران بەم هۆکارەوە هێرشەکانی خۆی لە ناوخۆی عێراق بۆ سەر ئەمریکییەکان ڕادەگرێت .

بەپێی ڕاپۆرتێکی رۆژنامەی " واشینتۆن پۆست "ی ئەمریکی، ئێران گروووپ‌ و هێزە چەکدارییە عێراقییەکانی سەر بەخۆی ڕاسپاردوە بەوەی لەگەڵ وەرگرتنی پۆستی سەرۆککۆماری لەلایەن ئیبراهیم ڕەئیسی یەوە، هێرش‌ و پەلامارەکانیان بۆسەر هێزەکانی ئەمریکا لەعێراق ڕابگرن.

ڕۆژنامە ئەمریکییەکە ئاماژەی بەوەشکردوە، بایدن نایەوێت هەمان سیناریۆی کشانەوەی خێراو بێسەرووبەری هێزەکانیان ئەفغانستان لەعێراقیش دووبارە بکاتەوە، بەڵکوو بەرپرسە ئەمریکیه‌كان پێیانوایە، باشترین ڕێگا ئەوەیە کە ئەرکی ئەو هێزانە لەهێزی جەنگییەوە بۆ بواری ڕاوێژکاری بگۆڕدرێت، تاوەکوو بتوانرێت ڕاهێنان بەهێزە ئەمنیی‌ و سەربازییەکانی عێراق بکەن‌و لە بواری هەواڵگری دا هاوکاری عێراقییەکان بکەن.
باس لەوەشکراوە، ئیدارەی بایدن وایدەبینێت کە ئەو ڕێگایە خەرجییەکی کەمی دەوێت‌ و دەشتوانرێت لانیکەم بەشێوەیەکی کاتی پارێزگاری بۆ هێزە سەربازییەکانی ئەمریکا لەعێراق دابین بکات.

لەکۆتایی ڕاپۆرتەکەی ڕۆژنامەی واشینتۆن پۆست دا هاتووە، تاران ئامادەیە هەمان ڕۆڵی ئەمریکا لە ڕووی پێدانی ڕاوێژی سەربازی و ڕاهێنانی هێزە ئەمنییەکانی عێراق بگێڕێت، دەشڵێت:"پێشوازیکردنی گرووپە چەکدارییەکانی عێراق لەڕێککەوتننامەی ستراتیژی نێوان عێراق‌و ئەمریکا جۆرێک لەسوپرایز بوە".

ئەم بابەتە 11991 جار خوێندراوەتەوە