ئێران و ڕووسیا ڕەشنووسی گڕیبەستێکی ٢٠ ساڵە لە بواری سەربازی ، ئابووری ئامادە دەکەن
پەیامی کورد ... ئێران و ڕووسیا ڕەشنووسی گڕیبەستێکی ٢٠ ساڵە لە بواری سەربازی ، ئابووری ئامادە دەکەن
باڵیۆزی کۆماری ئیسلامی لە مۆسکۆ ڕایگەیاند کە ڕەشنووسى گرێبەستی ۲۰ ساڵەی سەربازى، ئاسایش و ئابووری کۆماری ئیسلامی لەگەڵ ڕووسیا ئامادە کراوە.
کازم جەلالی، باڵیۆزی کۆماری ئیسلامی ئێران لە مۆسکۆ، باسی لە ئامادەبوونی دەقێک بەناوی «لێکتێگەیشتنی پەیوەندییە دوولایەنەکان و هاوکاری کۆماری ئیسلامی و ڕووسیا» بۆ ماوەی ۲۰ ساڵ بە ناوەرۆکی سیاسی، ئاسایشی، سەربازى، بەرگری و ئابووری کرد.
باڵیۆزی کۆماری ئیسلامی لە مۆسکۆ لە بەرنامەیەکی تەلەڤزیۆنیدا باسى لەوە کرد کە ئەم گرێبەستە بە چاودێریی ڕاستەوخۆی عەلی خامنه‌یی ڕابەری باڵای ئێران نووسراوە و ڕەشنووسى دەقەکەش لە باڵیۆزخانەی ئێران لە ڕووسیا بۆ وەزارەتی دەرەوە نێردراوە.
جەلالی ووتیشی ئەو نامه‌یەی عەلی خامنه‌یی بۆ ڤلادیمێر پووتین نووسیویەتی و ئەو ووڵامەى که پووتین داویەتییەوە، بابەتی وتووێژەکان بووە و ئەگەری هەیە گرێبەستەکە لە ٢٠ساڵیش درێژتر بکرێتەوە.
ئەم بابەتە 11990 جار خوێندراوەتەوە