پەیامی کورد     ...     ئێسرائیل چەندین پێگەی نیزامی و سەربازی لە سووریا بۆمباران و خاپوور کرد

فڕۆکە جەنگییەکانی ئیسرائیل چەند پێگەیەکی سەربازییان لە دەورووبەری حەلەبی سووریا بۆردوومانکرد.

بە گوێرەی هەواڵەکان لە ڕوانگەی سووری بۆ مافەکانی مرۆڤ بڵاویکردەوە، شەوی رابردوو فڕۆکە جەنگییەکانی ئیسرائیل، "چەند پێگەیەکی سوپای سووریا و نزیک لە ئێرانیان" لە ناوچەی سەفیرە لە دەورووبەری شاری حەلەب بۆردوومانکرد.

روانگەی سووریا بۆ مافەکانی مرۆڤ، هیچ زانیارییەکی لەبارەی زیانی گیانی بڵاونەکردوەتەوە، تەنها رایگەیاندوە، بەهۆی بۆردوومانەکە ژمارەیەک کۆگای چەک و تەقەمەنی تەقیونەتەوە.
لەلایەکی دیکەوە ئاژانسی سانای فەرمی حکوومەتی سووریا بڵاویکردوەتەوە، شەوی رابردوو فڕۆکە جەنگییەکانی ئیسرائیل هێرشیان بۆ سەر سوپای سووریا ئەنجامدراوە.
لەدوای پێکهێنانی حکوومەتی نوێی ئیسرائیل، ئەوە یەکەمین هێرشی ئاسمانییە ئیسرائیل دژ بە سوپای سووریا ئەنجامیبدات.

ئەم بابەتە 11990 جار خوێندراوەتەوە