پەیامی کورد     ...    ئەرتەشی ئەمریکا کوژرانی جێگری خەڵیفە و ڕابەری داعش لە عێراق پشتڕاست دەکاتەوە .

" ژەنەراڵ وین مارۆتۆ " ووتەبێژی ئۆپراسیۆنی هاوپەیمانی نێودەوڵەتی بەناوبانگ بە " جووڵەی پۆڵایین " لە دژی داعش لە عێراق و سووریا ، کوژرانی " ئەبوو یاسر العێساوی " ڕابەری گرووپی تێرۆریستی داعش ی لە عێرق پشتڕاست کردەوە .

بە پێی ڕاپۆرتێک مارۆتۆ نووسی : " ئەبوو یاسر ڕابەری داعش لە عێراق ٢٧ ی جانیوەری لە ئاکامی هێرشێکی ئاسمانی لە نزیکی کەرکووک کوژرا .

ئەو لە لاپەڕەی تویتەری تایبەتی خۆیدا بە ئاماژەدان بەوەی کە ئۆپراسیۆنی کوشتنی ڕابەری داعش کە بە بەشداری هێزەکانی عێراقی و هاوپەیمانانی نێودەوڵەتی ئەنجامدرابوو بوو بە هۆی کوژرانی ١٠ ئەندامی ئەم ڕێکخراوە تێرۆریستییە  و کوژرانی ئەبو یاسر گورزێکی دیکەی گەورە بوو بۆ هەوڵەکانی گەڕانەوەی داعش بۆ ناو خاکی عێراق .

ئەم فەرماندە ئەمریکییە هەروەها ووتی : هاوپەیمانی بەردەوامی بە کارەکانی خۆی دەدات بۆ لە ناوبردنی سەرکردە سەرەکییەکانی داعش لە مەیدانی شەڕ و لە ناوبردنی ڕێکخراوی تێرۆریستی .

ئەم بابەتە 11988 جار خوێندراوەتەوە