ئەردۆغان : بە چەندین بیانوو ئەو چەکانەی کە ئێمە داوامان کرد بە هەزاران بارهەڵگر و فڕۆکە درایە یەپەگە و لە ئێمەیان کرد
پەیامی کورد ... ئەردۆغان : بە چەندین بیانوو ئەو چەکانەی کە ئێمە داوامان کرد بە هەزاران بارهەڵگر و فڕۆکە درایە یەپەگە و لە ئێمەیان کرد
سه‌رۆک كۆماری توركیا رایگەیاند، ئه‌و چه‌كانه‌ی كه ووڵاته‌كه‌ی داوایكرد و به چه‌ندین بیانوو پێی نەدرا، "به ناوی به‌ره‌نگاربوونه‌وه‌ی داعشه‌وه له‌رێگه‌ی هه‌زاران بارهه‌ڵگر و باری فڕۆكه‌وه درایه دەست یەپەگە".
ره‌جه‌ب ته‌یب ئه‌ردۆگان، سه‌رۆککۆماری توركیا له كۆشكی سه‌رۆكایه‌تی كۆماره‌وه به‌شێوه‌ی راسته‌وخۆ به‌شدارییكرد له رێوره‌سمی كردنه‌وه‌ی شوێنی نۆژه‌نكردنه‌وه‌ی فڕۆكه و وه‌رگرتنی فڕۆكه‌ی جۆری A400M كه له ١٢ هه‌مین فه‌رمانده‌یی بنكه‌ی ئاسمانی له قەیسه‌ری به‌ڕێوه‌چوو، لە ووتارێکدا رایگەیاند، "سوورین له‌سه‌ر ئه‌وه‌ی سه‌رجه‌م نادادیی و كاره نایاساییه‌كان كه له به‌رگرییكردن له نیشتمان به‌ره‌وڕووی بووینه‌ته‌وه، به تواناكانی خۆمان تێیپه‌ڕێنین".
له‌باره‌ی پرۆژه‌كانی پیشه‌سازی به‌رگرییش، ئەردۆگان ئاماژەی بەوەکرد، "ئه‌وانه‌ی كه تاكه كاریان داخستنی كارگه‌كانه، چاوه‌ڕێ ناكه‌ین له‌مه‌ش تێبگه‌ن هاوشێوه‌ی پرۆژه‌كانی دیكه‌ی دیدگه‌مان".
سه‌باره‌ت به هێرشەکانی ووڵاتەکەی له ده‌ره‌وه‌ی سنووره‌كان و هه‌ڵوێستی ووڵاتان، ئه‌ردۆگان ووتی، "له‌و ئۆپراسیۆنانه‌ی له‌پێناو پاراستنی ئاسایشی گیانی هاووڵاتییانمان له ده‌ره‌وه‌ی سنوورەكان ئه‌نجاممان داوه، به‌ناو دۆسته‌كانمان هه‌موو كارێكیان كرد بۆ ئه‌وه‌ی پێگه‌ی ئێمه لاواز بكه‌ن".
ئەوەشی خستەڕوو، داوای چه‌كیان كردوه و پێیان نه‌فرۆشراوه، "ئه‌و چه‌كانه‌ی كه وڵاته‌كه‌مان داوایكرد و به چه‌ندین بیانوو پێی نەدرا، به ناوی به‌ره‌نگاربوونه‌وه‌ی داعشه‌وه له‌رێگه‌ی هه‌زاران بارهه‌ڵگر و باری فڕۆكه‌وه درایه دەست یەپەگە".
ئەم بابەتە 11989 جار خوێندراوەتەوە