پەیامی کورد   ...    ئەفغانستان بە فەرمی هەواڵی پاڵپشتی ماڵی و چەکداری کۆماری ئیسلامی بۆ گرووپی تیرۆریستی تالیبان بڵاو دەکاتەوە

تەلەڤزیۆنی ئەفغانستان پەردە لە سەر پاڵپشتییە ماڵی و چەکدارییەکانی کۆماری ئیسلامی هەڵدەگرێت.

به پێی ڕاپۆرتێک تەلەڤزیۆنی ئەفغانستان بە بڵاوکردنەوەی هەواڵێک لە ئاژانسی هەواڵی وال جورنال ستریت لەزاری فەرماندەیەکی تیرۆریستی تالیبان لە سنووری ئێران و ئەفغانستان ڕایگەیاند : کۆماری ئیسلامی چەک و چۆڵی سووک و قورسی گرووپی تیرۆریستی تاڵیبان دابین دەکات و مووچەی مانگانەی بۆیان بڕیوەتەوە.

تەلەفزیونی ئەفغانستان لە ڕاپۆرتێکدا ڕایگەیاند: وەزارەتی " هەواڵگری و زانیاری " ئیتلاعاتی کۆماری ئیسلامی بە شێوەیەکی ڕاستەوخۆ پاڵپشتی تاڵیبان دەکات و مانگانە بە هەر ئەندامێکی ئەو گرووپە ۶۰۰ دۆلار مووچە دەدات.

بە گوێرەی ئەم ڕاپۆرتە، فەرماندەی گرووپی تیرۆریستی تاڵیبان کە دەستبەسەرە، ووتوویەتی: کۆماری ئیسلامی چەندین ناوەندی فێرکاری سەربازی لە تاران، مەشهەد، کرمان و زاهێدان بۆ فێرکردنی ئەندامانی تالیبان پێکهێناوە.

بەرپرسانی کۆماری ئەفغانستان و سەرپەلەکانی تاڵیبان جەختیان لەوە کردۆتەوە کە وەزارەتی تیرۆریستی ئیتلاعاتی کۆماری ئیسلامی بۆ پێشەوەچوونی ئامانجەکانی تاڵیبان لە ئەفغانستان یارمەتی چەکداری و دارایی و ماڵییان دەکات.

ئەم بابەتە 11988 جار خوێندراوەتەوە