پەیامی کورد     ...   ئەفغانستان هۆشداری دەداتە عەلی خامنەیی

 ئەفغانستان بەرامبەر بە دەستێوەردانەکانی ڕێژیمی ئێران لەو ووڵاتە هۆشداری دەداتە "خامنەیی"

ڕاپۆرتێک لە ڕۆژنامەی "جمهوری اسلامی"  لە ژێر ناوی "بۆ ڕووبەڕووبوونەوە دژی گرووپی تێرۆریستی تاڵبان حەشدی شیعی لە ئەفغانستان ڕاپەڕی" بڵاو کراوەتەوە کە دژکردەوەی تووندی بەرپرسانی ئەفغانستان و خەڵکی ئەو ووڵاتەی لێ کەوتووەتەوە.

لە دوای بڵاوبوونەوەی ئەو ڕاپۆرتە، خەڵکی ئەفغانستان لەسەر تۆڕە کۆمەڵایەتییەکان، ڕەخنەیان لە دەستێوەردانەکانی ڕێژیمی ئیسلامیی ئێران بەرامبەر ئەو بابەتە گرت و بە هەشتەگی "همسایە شیطنت نکن" ڕێژیمی ئێرانیان مەحکووم کرد.

شا "حسێن مورتەزەوی" ڕاوێژکاری باڵای سەرکۆماری ئەفغانستان لە لاپەڕەی تویتەری خۆیدا نووسیویەتی: "ئاژاوە گێڕان قەدەغەیە".

ناوبراو لە درێژەدا نووسیویەتی، کۆماری ئیسلامی ئێران لەلایەک ڕووی دزێوی تاڵبان دەشارێتەوە و لەلایەکی دیکە بەدوای ئاژاوەگێڕانه، بەڵام ئەفغانستان ئیزن نادات ئەزموونی سووریا، یەمەن، عێراق و لوبنان لەو واڵاتە دووپات بێتەوە و پیلانی ڕێژیمی ئیران بە ئاکام ناگات.

"عەلی خامنەیی" دوو ڕۆژ پێش وتبووی: "ئەو گرووپانەی لە لوبنان، سووریا، لیبیا و عێراق دژ بە ئەمریکا شەڕ دەکەن، گرێدراو و لەژێر چاوەدێری و لەخزمەت ئێمەدا نین، بەڵکوو ئەوان توخمی باوەرمەند بە ئیسلام و سەربەخۆن".

ئەم بابەتە 11987 جار خوێندراوەتەوە