پەیامی کورد     ...   ئەمریکا : باشتروایە "ڕەئیسی" بگەڕێتەوە بۆ سەر مێزی وتووێژ

"نێد پرایس" ووتەبێژی وەزارەتی کاروباری دەرەوەی ئەمریکا ڕایگەیاندووە پەیامی ئێمە بۆ سەرکۆماری نوێی ئێران زۆر سادە و ڕوونە و ئەویش ئەوەیە کە "ئێمە پشتیوانی لە ئەمنییەتی نیشتیمانی و بەرژەوەندییەکانی هاوپەیمانانمان دەکەین".

"پرایس" هەروەها وتوویەتی هیوادارین ئێران لەو هەلەی کە بۆی ڕەخساوە بتوانێت وەک دەرفەتێکی دیپلۆماسی کەڵکی لێ وەرگرێت.

ناوبراو هەروەها جەختی کردەوە ئەگەر "ڕەئیسی" لەسەر وتەکانی خۆی بۆ لابردنی گەمارۆکانی سوورە  لە دانیشتنەکانی "ڤییەنـ"ـدا لەسەریان ووتووێژ دەکەین.

"عەباس عێراقچی" جێگری سیاسی وەزارەتی دەرەوە و بەرپرسی گرووپی دانووستانکاری ڕێژیمی ئیسلامی ئێران وتبووی: "هەتا حەفتەی داهاتوو، واتە دوای هەڵبژاردنەکان، ناتوانین بە کۆبەندی دانیشتنەکانمان لە ڤییەننا بگەین".

ئەم بابەتە 11991 جار خوێندراوەتەوە