ئەمریکا : بەردەوامی بە هێرشەکانمان دەدەین لە دژی تاڵیبان
پەیامی کورد ... ئەمریکا : بەردەوامی بە هێرشەکانمان دەدەین لە دژی تاڵیبان
جان کؤربی ووتەبێژی وەزارەتی بەرگری ئەمریکا " پێنتاگۆن " سەر لە بەیانی ئەمڕۆ بە کاتی تاران لە پرێس کۆنفڕانسێکی ڕۆژنامەوانیدا ڕایگەیاند : هێرشی ئاسمانی ئەمریکا لە دژی تاڵیبان لە ئەفغانستان بەردەوام دەبێت .
بە پێی ڕاپۆرتێک لە الیوم السابع ، ئەو ووتی کە هێزی ئاسمانی ئەمریکا هێزەکانی ئەمنییەتی ئەفغانستان ی بە هێرشکردن بۆ سەر مۆڵگەکانی تاڵیبان پاڵپشتی دەکات .
ئەو لە خستنەڕووی ووردەکاری تەکنیکی سەبارەت بەم هێرشە ئاسمانییە خۆی بە دوور گرت و ووتی کە ژەنەراڵ کۆنت مەکێنزی فەرماندەی سەنتکام بەرپرسی دەرکردنی فەرمانی ئەنجامدانی ئەم جۆرە هێرشانەیە .
ووتەبێژی پێنتاگۆن لە بەشێکی دیکە لە ووتاری خۆیدا لە ووڵامدانەوە بە پرسیارێک دەربارەی ژمارەی هێزەکانی ئەمریکی جێگیر لە سووریا ش ووتی کە لە هەژماری ڕێکی ئەوان زانیاری لە بەردەستدا نییە بەڵام کەمتر لە ١٠٠٠ سەرباز ی ئەمریکی لە سووریا جیگیرن .
ئەم بابەتە 11990 جار خوێندراوەتەوە