پەیامی کورد   ...  ئەمریکا حەوت هێرشی دژی کەرەستە سەربازییەکانی حووسییەکان لە یەمەن ئەنجامدا

سێنتکام ڕایگەیاند کە ئەمریکا ڕۆژی پێنجشەممە حەوت هێرشی لە دژی کەرەستە سەربازییەکانی حووسییەکان لە یەمەن ئەنجامداوە.
بەگوێرەی ڕاپۆرتێک ، فەرماندەیی ناوەندی ئەمریکا لە ڕاپۆرتێکدا ڕایگەیاند کە سوپای ئەمریکا ڕۆژی پێنجشەممە حەوت هێرشی دژ بە کەرەستە سەربازییەکانی حووسییەکان لە یەمەن ئەنجام داوە.
سێنتکام لە پۆستێکدا لە تۆڕی کۆمەڵایەتی ئێکس ڕایگەیاندووە ، هێزەکانی ئەمریکا "لە بەرگریکردن لە خۆیان حەوت هێرشیان ئەنجامداوە بۆ سەر چوار شەهپاد و حەوت مووشەکی کرووزی دژە کەشتییە گەڕۆکەکان کە ئامادەکراون بۆ هێرشکردنە سەر کەشتییەکان لە دەریای سووردا".
بەگوێرەی ئەو فەرماندەییە، ئەو مووشەکانە "مەترسییەکی نزیک" بوون بۆ سەر کەشتییەکانی هێزی دەریایی ئەمریکا و کەشتییە بازرگانییەکانی ناوچەکە.

بزووتنەوەی ئەنسارۆڵڵای دەسەڵاتدار (حووسییەکان) لە باکووری یەمەن کە زۆربەی کەنارئاوەکانی دەریای سووری یەمەنی بەدەستەوەیە، هۆشداری داوە لە نیازی هێرشکردنە سەر هەر کەشتییەک کە پەیوەندی بە ئیسرائیلەوە هەبێت و داوای لە ووڵاتانی دیکە کردووە کە تیمەکانیان بانگهێشت بکەنەوە، لێیان نزیک مەبنەوە. ژمارەیەک کۆمپانیای کەشتیوانی بڕیاریانداوە هاتووچۆ لە ڕێگەی دەریای سوورەوە ڕابگرن.
حووسییەکان ڕایانگەیاندووە کە چالاکییەکانیان لە دەریای سووردا بە مەبەستی یارمەتیدانی فەلەستینییەکانە لە کەرتی غەززە، بە ئاماژەدان بەوەی کە ئەوان دەستوەردان لە ئازادی کەشتیوانی لەو ناوچەیە ناکەن. ووڵاتانی عەرەبی و موسڵمان چەندین جار هۆشدارییان بە ئەمریکا داوە کە پشتیوانی بێ مەرج بۆ کارەکانی ئیسرائیل لە کەرتی غەززە دەبێتە هۆی بڵاوبوونەوەی ناکۆکی لە سەرتاسەری ناوچەکەدا.
ئەمریکا و بەریتانیا لە ناوەڕاستی مانگی یەکەوە هێرشیان بۆ سەر ئامانجەکانی حووسییەکان دەستپێکردووە، ئەمەش وەک وەڵامێک بۆ هەڕەشەکان لە دژی ئازادی کەشتیوانی لە دەریای سووردا دەزانن. موحەممەد عەلی ئەلحووسی، یەکێک لە ئەندامانی ئەنجوومەنی باڵای سیاسی ئەنسارۆڵڵا، ئەم هێرشانە بە بەربەریزمی تیرۆریستی ناوبرد، هێرشێکی بە ئەنقەست و ناڕەوا.

ئەم بابەتە 12012 جار خوێندراوەتەوە