پەیامی کورد     ...   ئەمریکا دۆسییەی دابینکردنی ماڵی و دارایی سوپای پاسداران لەلایەن "قەتەرە"وە تاوتوێ دەکات

دەوڵەتی ''جۆ بایدن'' لێکۆڵینەوە لە سەر بابەتی دابینکردنی ماڵی و دارایی سوپای پاسداران لەلایەن "قەتەرە"وە دەکات.

دەوڵەتی ''دۆناڵد ترامپ'' سەرکۆماری پێشووی ئەمریکا، ماوەی دوو ساڵ بەر لە ئێستا سوپای پاسدارانی خسته لیستەی ڕێکخراوە تێرۆریستییەکان کە ئەم بڕیارە لە دەوڵەتی نوێی ئەمریکاشدا هەروا لەسەر جێی خۆیەتی.

بەپێی ڕاپۆرتێک لە ''واشینتۆن ئێگزمینێر''، وەزارەتی دەرەوەی ئەمریکا بەرپرسی بەدواداچوونی ڕاپۆرتێک دەربارەی هاوکاری قەتەر و سوپای پاسدارانی ئێران کە ئیسرائیل زانیارییەکانی خستووەتە بەردەست "ئەمریکا"وە.

بەپێی ئەو ڕاپۆرتە ''ڕێئوون ڕیۆلین'' سەرکۆماری پێشووی ئیسرائیل لە چاوپێکەوتن لەگەڵ ''جۆ بایدن'' چەندین بەڵگەنامەی لەسەر ئەو بابەتە خستووەتە بەر دەست ئەمریکا.

بەرپرسانی ئیسرائیل لە بابەت ووردەکارییەکانی ئەو دۆسییە کە خراوەتە بەردەست "کۆشکی سپیـ"ـیەوە، زانیاری زیاتریان بڵاو نەکردووەتەوە.

ئەم بابەتە 11989 جار خوێندراوەتەوە