پەیامی کورد    ...   ئەمریکا سزای نوێی بەسەر ئێران دا سەپاند

ئەمریکا پێنج دامەزراوە و کەسێكی بە تۆمەتی هاوکاری و چاودێری پرۆگرامی ئەتۆمی ئێران سزا دا.

دوو ڕۆژ دوای ئەوەی دۆناڵد ترامپ، سەرۆکی ئەمریکا نیازی خۆی بۆ ئەنجامدانی دانووستان لەگەڵ ئێران ڕاگەیاند، وەزارەتی گەنجینەی ئەمریکا پێنج دامەزراوە و کەسێكی بە تۆمەتی هاوکاری و چاودێری پرۆگرامی ئەتۆمی ئێران، سزا دا.

چوارشەممە ٢٠ی خاكەلێوە، سکۆت بێسێنت، وەزیری گەنجینەی ئەمریکا، ووتی : هەوڵە بێ باکانەکانی ئێران بۆ دەست خستنی چەکی ئەتۆمی، هەڕەشەیەکی گەورەیە بۆ سەر 
ئەمریکا، سەقامگیری جیهان و ناوچەکە.

وەزیری گەنجینەی ئەمریکا، ئاماژەی بەوە کرد، ئەوانەی سزا دراون کاریان بۆ ڕێکخراوی ووزەی ئەتۆمی ئێران و کۆمپانیای تەکنۆلۆژیای سەنتەرفیوجی ئەو ووڵاتە کردووە.

دووپاتیشی کردەوە، هەموو ئامراز و دەسەڵاتێکی خۆیان بۆ تێکدانی هەوڵەکانی ئێران بۆ دەست خستنی چەکی ئەتۆمی و جێبەجێکردنی ئەجێندای تێکدەرانەیان، بەکار دەهێنن.

ئەم بابەتە 33 جار خوێندراوەتەوە