پەیامی کورد      ...    ئەمریکا سەبارەت بە سیستەمی ئێس - ٤٠٠ داوایەک ئاراستەی تورکیا دەکات .

ئەمریکا داوا لە تورکیا دەکات ، سیستەمی ئێس - ٤٠٠ چالاک نەکات و بەکاری نەهێنێت .

لۆئید ئاستین ، سەزیری بەرگری ئەمریکا پێنجشەممە لە پەیوەندییەکی تەلەفۆنی دا لەگەڵ خولووسی ئاکار ، وەزیری بەرگری تورکیا دا داوای لێکرد تاکوو ئانکارا سیستەمی بەرگری مووشەکی ئێس - ٤٠٠ ی ڕووسی چالاک نەکات .

بە پێی ڕاپۆرتێک ئاستین و ئاکار لەم ووتووێژەدا دەربارەی ناسەقامگیری لە پانتایی سنوورەکانی ڕۆژهەڵات و باشووری ناتۆ لەوانەش ئەو کێشە و گرفتانەی کە لە لایەن ڕووسیا وە درووست کراوە قسە و باسیان کرد .

ئاستین لە سەر گرینگی هەوڵدان بۆ بەهێزکردن و پتەوکردنی هاوکاریگەلی نیزامی لە نێوان تورکیا و ئەمریکا جەختی کردەوە و داوای لە ئانکارا کرد تاکوو سیستەمی بەرگری مووشەکی ئێس - ٤٠٠ بەلاوە نبدرێت و چالاک نەکرێتەوە .

هەنگاوەکانی ئانکارا بۆ کڕینی سیستەمی بەرگری ئێس - ٤٠٠ بووەتە هۆی کێشە و گرفت لە پەیوەندییەکانی ئانکارا و واشینتۆن و واشینتۆن یش بارەها داوای لە تورکیا کردووە تاکوو ڕێکەوتننامەی کڕینی ئەم سیستەمە لەگەڵ ڕووسیا هەڵوەشێنێتەوە .

 

ئەم بابەتە 11992 جار خوێندراوەتەوە