پەیامی کورد    ...   ئەمریکا فرۆشتنی ڕادار و فڕۆکەی بە وولاتی میسڕ پشتڕاست کردەوە.

وەزارەتی دەرەوەی ئەمریکا فرۆشتنی چەک و فڕۆکەی بە ووڵاتی میسڕ پشتڕاست کردەوە .

بە پێی ڕاپۆرتێک لە زاری ڕۆیتەرز ، پێنتاگۆن ڕایگەیاند وەزارەتی دەرەوەی ئەمریکا فرۆشتنی ڕادارگەلی بەرگری ئاسمانی و فڕۆکەگەلی سی - ١٣٠ ی سووپەر هێرکووڵس بە میسڕی بە بەهای گشتی زیاتر لە ٢.٥ میلیارد دۆلار پشتڕاست کردوەتەوە .

پێنتاگۆن ڕایگەیاند فرۆشتنی ١٢ فڕۆکەی سووپەر هێرکووڵس بە بەیاهی ٢.٢ میلیارد دۆلار بریتی لە کەل و پەلی پشتیوانی ، پارچەی یەدەک و پشتیوانی تەکنیکی دەبێت ، کۆمپانیای لاکهید مارتین بەڵیندەری سەرەکی ئەم فڕۆکەیە .

دەوڵەتی میسڕ هەروەها بە دوای کڕینی سێ دەزگای یەدەکی ڕاداری زەوینی لە جۆری SPS-48،  ماتۆڕ ژێنێڕاتۆر ، ڕاهێنان و کەل و پەل و کەرەستەی پەیوەندیدارە .

جێگای ئاماژەدانە پشتڕاست کردنەوەی وەزارەتی دەرەوەی ئەمریکا سەبارەت بە فرۆشتنی چەک و فڕۆکە بە میسڕ یەکێک لە قۆناغەکانی فرۆشتن ە و هێشتا ڕێکەوتنی نێوان ئەمریکا و میسڕ واژوو نەکراوە . ئەمریکا بەردەوام بە باڵا دەست بوونی ئیسرائیل لە هەموو بوارەکانی نیزامی و سیاسی لە ناوچەکە پابەندە و ئیزنی ئەوە نادات ووڵاتانی هاوپەیمانی لە ڕۆژهەڵاتی ناوەڕاست هاوپای ئیسرائیل ، چەک و و توانمەندی سەربازی باڵایان هەبێت .