جۆی هوود یاریدەدەری وەزیری دەرەوەی ئەمریکا بۆ کاروباری ڕۆژهەڵاتی نزیک ڕایدەگەێنێت :  لە ڕووی سەربازی و دیپلۆماسی و داراییەوە لە عێراق دەمێنینەوە، هاوکات هۆشداری دەدات لە ئەنجامی هەڵبژاردنی پەرلەمانی عێراق.
جۆی هود لەمیانی لێدوانێکی ڕۆژنامەوانیدا ڕایگەیاند، "عێراق بۆ ئاسایشی نەتەوەیی ئەمریکا گرینگە، بۆیە لە ئاستی سەربازی و دیپلۆماسی و دارایی لە عێراق دەمێنینەوە".
جۆی هوود هۆشداریداوە لەوەی "ئەگەر هەڵبژاردنی پەرلەمانی عێراق باش بەڕێوە نەچێت گەلی عێراق دەڕژێنەوە سەرشەقام و ناڕەزایەتی دەردەبڕن".
دەشڵێت "ئەمریکا چاوی لەوەیە هەڵبژاردنێکی نوێ لە ئۆکتۆبەری داهاتوو لە عێراق بکرێت بۆیە ئەمریکا پارە بۆ نەتەوە یەکگرتووەکان دابیندەکات بۆئەوەی بە ووردی چاودێری هەڵبژاردنەکانی عێراق بکات".

ئەم بابەتە 11992 جار خوێندراوەتەوە