ئەمریکا : ڕژیمی ئێران یاری بە ئاگر دەکات
پەیامی کورد ... ئەمریکا : ڕژیمی ئێران یاری بە ئاگر دەکات .
نوێنەری تایبەتی ویلایەتەیەکگرتووەکانی ئەمریکا لە کاروباری ئێران ڕایگەیاندووە ، کەمێک کە تێپەڕ ببێت بۆ زیندووکردنەوەی بەرجام هاوشێوەی هەوڵدان بۆ زیندوو کردنەوەی لاشەیەکی مردووی لیدێت .
ڕۆبێرت مالی لە ووتووێژێکدا لەگەڵ نیۆیۆرک ڕایگەیاندووە ویلایەتەیەکگرتووەکانی ئەمریکا ئامادە نابێت ڕێکەوتنێکی خراپتر لە بەرجام قەبووڵ بکات چوونکە ڕژیمی ئێران بەرنامە ئەتۆمییەکەی خۆی پەرە پێداوە .
هەر لەم ڕاستایەوە سوپای پاسداران کە بەرنامەگەلی مووشەکی ئێرانی لە ژێر کۆنترۆڵ دایە هەر بەم تازەییانە تاقیکردنەوەیەکی مووشەکی بەڕیوە بردووە کە لەوەدا هێرش بۆ سەر ناوەندی ئەتۆمی " دیمۆنا " ی ئیسرائیل تێیدا هاوشێوەسازی کراوە .
دەوری هەشتەمی ووتووێژەکانی زیندووکردنەوەی بەرجام لە ڕۆژی دووشەممە وە لە ڤییەننا دەستی پێکردووەتەوە کە نوێنەرانی ڕژیمی ئێران و ئەمریکا بە پێچەوانەی دەورەکانی پێشووترەوە بە شێوەی ناڕاستەوخۆ پێکەوە ووتووێژ و گفتۆگۆ ئەنجام دەدەن .
حسێن ئەمی عەبدۆڵلاهیان وەزیری کاروباری دەرەوەی ڕژیمی ئێران لەمبارەیەوە ڕایگەیاندووە : گرینگترین بابەت کە دەبێ بە خاڵیک بگەین کە نەوتی ئێران بە ئاسانی و بە بێ هیچ بەربەستێکی بفرۆشرێت و پارەی ئەم نەوتە بە شێوەی دراوێک لە هەژمارە بانکییەکانی ئێران دا دابنرێت .
" ئێنریکە موورا " هەماهەنگکەری ئەرووپایی بۆ گفتۆگۆوەکانی بەرجام بە گرینگیدان بە پێداگری ئێران لە سەر ڕێکارەکانی پێشووی خۆی ووتوویەتی کە کارێکی دژوارە چوونکە ڕژیمی ئێران و ئەمریکا دەبێ بڕیارگەلێکی سیاسی قورس و ئەستەم بدەن .
لەم نێوەندەدا وولاتانی ڕۆژئاوایی سەبارەت بە لە دەستچوونی کات هۆشداری داوە و جەختیان کردووەتەوە کە بازنەی کاتی ووتووێژەکان دەبێ سنووردار بێت .
ووڵاتانی ڕۆژئاوایی سەبارەت بە ڕادەستکردنی چەک و چوولی ئێران بە گرووپگەلی تێرۆریستی ناوچەکەش نیگەرانە .
بە پێی ڕاپۆرتی هەندێک لە ئاژانسە میدیاییەکانی جیهانی ئەرتەشی ئیسرائیل توانیویەتی تاکوو ئێستا زیاتر لە ٧٠٪ ی ئەو چەک و چۆڵانەی ڕادەستکراوی ڕژیمی ئێران بە گرووپگەلی تێرۆریستی لەوانەش حێزبۆڵلا لە ناو ببات .
ئەم بابەتە 11989 جار خوێندراوەتەوە