پەیامی کورد     ...    ئەمریکا کەل و پەلی سەربازی و نیزامی خۆی لە ٣ بنکەی قەتەری یەوە بۆ ئۆردون ڕاگواست .

ڕاگواستنی کەل و پەلی سەربازی و نیزامی ئەمریکا لە قەتەر ەوە بۆ ئۆردون ، گۆڕانکاری لە گرینگییەکانی ئەرتەشی ئەمریکا لە ناوچەکەدا ئاشکرا دەکات .

بنکەی میدیایی ئەمریکا ستراز ئەند ستریپز هەواڵی دا کە ئەمریکا ٣ بنکەی خۆی لە قەتەر کە وەکوو ئەنباری چەک و تەقەمەنی کەلکی لێوەردەگرت بەتاڵ کردووە و بۆ ئۆردون ی ڕاگواستووە .

بە پێی ئەم ڕاپۆرتە شرۆڤەکاران جەخت دەکەنەوە کە ئەم هەنگاوە جگە لەوەی کە ئەمریکا دەخاتە دۆخێکی باشترەوە لە بەرامبەر هەڕەشەگەلی لەناکاوی ئێران دا گۆڕانکاری گرینگییەکانی ئەرتەسی ئەمریکا لە ناوچەکەش ئاشکرا دەکات .

هەروەها لەم ڕاپۆرتەدا هاتووە کە ئەرتەشی ئەمریکا هەفتەی ڕابردوو هەواڵی لە داخرانی بنکەی سەربازی سیلیە ی ناوەندی و سیلیەی باشووری و ناوچەی گەیاندنی هاوکاری و یارمەتی فاڵکۆن لە قەتەر دابوو .

بە پێی بەیاننامەی فەرمی ئەرتەسی ئەمریکا ئەم بنکەیە ناوەندی گەیاندنی یارمەتی لۆجێستیکی هێزەکانی ئەمریکا لە ڕۆژهەڵاتی ناوەڕاست بووە و لەو شوێنانەدا ٢٧ زاخە و کۆگا بۆ هەڵگرتن و پاراستنی تانک گەل و زرێ پۆشگەل و جۆرەها مەواددی تەقەمەنی و سەربازی هەبووە .

بە ووتەی کارناسان ئەگەری هێرشی مووشەکی لە جۆری ئەوەی  کە لە ساڵی ڕابردوودا لە بنکەی ئاسمانی عین الاسد لە عێراق ڕوویدا ، ستوون و پێگەی فشاری گرینگی ئێران لە هەرجۆرە ووتووێژ و گفتۆگۆ لەگەل لایەنگەلی ڕۆژئاوایی یە و ئێستا لەگەڵ دووربوونەوەی ئەم بنکانە لە بەر تیرڕەسی ئێران ، ئەم شانسە لە تاران وەردەگیرێت .

ئەم بابەتە 11993 جار خوێندراوەتەوە