ئەم گۆڕانکارییە بەسەر هێزی پێشمەرگەدا هاتووە
پەیامی کورد ... ئەم گۆڕانکارییە بەسەر هێزی پێشمەرگەدا هاتووە
بەڕێوبەری گشتی ڕاگەیاندن و ھۆشیاری نیشتمانی لە وەزارەتی پێشمەرگەی حکوومەتی ھەرێمی کوردستان ووتی، پڕۆسەی یەکگرتنەوەی ھێزی پێشمەرگە بە شێوەی کرداری دەستی پێ کردووە و یەکەیەکی هەژماری دروست کراوە و ھێزەکانی پشتیوانی یەک و دوو خراونەتە سەر وەزاەتی پێشمەرگە.''
عەمید عوسمان موحەمەد ڕیشە، بەڕێوبەری گشتی ڕاگەیاندن و ھۆشیاری نیشتمانی لە وەزارەتی پێشمەرگەی حکوومەتی ھەرێمی کوردستان، ڕایگەیاند : "یەکەی هەژماری وەزارەتی پێشمەرگە یەک خراوەتەوە و کۆتایی پێ ھاتووە کە بەشێکە لە چاکسازی وەزارەتی پێشمەرگە و یەکەی ٧٠ و ٨ ٠ھاتوونەتە سەر ئەو یەکەی هەژماری وەزارەتی پێشمەرگە و ئێستا کەوتووەتە بواری جێبەجێکردنەوە.''
عەمید عوسمان موحەمەد ڕیشە ووتیشی: "ھەنگاوەکان زۆرن و ئێستا ھێزەکانی پشتیوانی یەک و دوو ھاتوونەتە سەر وەزارەتی پێشمەرگە و دوو لیوا لە یەکەی ٧٠ و ٨٠ ئامادە کراون بۆ ئەوەی بخرێنە سەر وەزارەتی پێشمەرگە و ئەوەیان ھەنگاو بە ھەنگاو جێبەجێ دەکرێت و چاوەڕێ دەکرێت ئەو پرۆسەیە بەردەوام بێت و بچێتە پێشەوە.''
ڕیشە باسی لەوەش کرد: "لە درووستکردنی لیوا نوێیەکاندا ڕەچاوی لیواکانی پیادەی وەزارەتی پێشمەرگە دەکەن.''
ئەم بابەتە 11992 جار خوێندراوەتەوە