پەیامی کورد      ...   ئەنجوومەنی وەزیرانی هەرێمی کوردستان سەبارەت بە پشووی سبەی ڕاگەێندراوێکی بڵاو کردەوە

ئه‌نجوومه‌نی وه‌زیرانی هه‌رێمی كوردستان رایگه‌یاند، سبه‌ی پێنجشه‌ممه‌ له‌سه‌رجه‌م دام وده‌زگاكان ده‌وام ئاساییه‌ و پشووه‌كه‌ی عێراق جێبه‌جێناكرێت.
 سه‌رچاوه‌یه‌ك له‌ئه‌نجوومه‌نی وه‌زیرانی هه‌رێم رایگه‌یاند، سه‌ره‌ڕای ئه‌وه‌ی سبه‌ی پێنجشه‌ممه‌ له‌سه‌رتاسه‌ری عێراق به‌بۆنه‌ی سه‌ركه‌وتن به‌سه‌ر چه‌كدارانی رێكخراوی داعش پشووی فه‌رمیه‌، به‌ڵام هه‌رێمی كوردستان پابه‌ندی ئه‌و بڕیاره‌ نابێت و سبه‌ی له‌سه‌رجه‌م دام وده‌زگاكانی حكومه‌تی هه‌رێم ده‌وامی فه‌رمانبه‌ران ئاساییه‌. 
ئه‌وه‌ش له‌كاتێكدایه‌، خه‌ڵكی كوردستان له‌ شه‌نگاله‌وه‌ تا خانه‌قین ڕووبه‌ڕووی زوڵم و په‌لامار و رێكخراوی داعش بوونه‌وه‌، وێڕای ئه‌وه‌ی هه‌رێمی كوردستان، به‌نوێنه‌رایه‌تی جیهان شه‌ڕی داعشی كرد و پێشمه‌رگه‌ گیان فیدایی نواند و باشترین رۆڵه‌كانیشی له‌م پێناوه‌دا گیانی خۆیان به‌ختكرد، به‌ڵام حكوومه‌تی هه‌رێم هیچ رۆژێكی وه‌ك پشوو دیارینه‌كردوه‌.
له‌به‌یاننامه‌یه‌كدا ئه‌مینداریه‌تی گشتی ئه‌نجوومه‌نی وه‌زیرانی عێراق رایگه‌یاند، به بۆنەی ڕۆژی سەرکەوتن بەسەر تیرۆریستانی داعش سبەی پێنجشه‌ممه‌ ١٠ی (كانونی یه‌كه‌م/١٢)ی ٢٠٢٠  له‌سه‌رجه‌م دام وده‌زگاگانی حكوومه‌ت ده‌كرێته‌ پشووی فه‌رمی.

ئەم بابەتە 11991 جار خوێندراوەتەوە