پەیامی کورد     ...   ئەندامێکی یەکیتی نیشتیمانی کوردستان لە کەرکووک تێرۆر کرا

سەرچاوە عێراقی یەکان هەواڵ لە تێرۆر کردنی ئەندامێکی حیزبی یەکیتی نیشتیمانی کوردستان لە کەرکووک دەدەن .

بە گوێرەی هەوالی ئاژانسی ئاناتۆلی لە زاری سەرچاوەیەک بە پلەی ڕائید لە پۆلیسی کەرکووک پشتراستی کردەوە کە کەسێکی چەکدار بە ماتۆر بەرەو ئۆتۆمبێلی هەڵگری " ڕێبوار ئەمین " لە ناوچەی " پەنجە عەلی "

بە گوێرەی هەوالی ئاژانسی ئاناتۆلی لە زاری سەرچاوەیەک بە پلەی ڕائید لە پۆلیسی کەرکووک پشتراستی کردەوە کە کەسێکی چەکدار بە ماتۆر بەرەو ئۆتۆمبێلی هەڵگری " ڕێبوار ئەمین " لە ناوچەی " پەنجە عەلی " لە پارێزگای کەرکووک دەستڕێژی گووللە کردووە .

بە ووتەی ڕائید عامر نووری، ووتەبێژی پۆلیسی کەرکووک، "هاووڵاتییەکە ناوی ڕێبوار محەممەدە و کادیری یەکێتیی نیشتمانیی کوردستانە و لە کۆمیتەی ڕێکخستنی ١٤ی یەکێتی نیشتمانی کوردستان دەوامی کردووە.

بە پێی ئەم ڕاپۆرتە ڕێبوار ئەمین لەم ڕووداوە تێرۆریستییەدا لە شوێنی سەر و سینگ یەوە تووشی بەرکەوتنی گولە دەبێتە راستەوخۆ گیانی لە دەست دەدات .

ئەم سەرچاوەیە جەختی کردووەتەوە کە هۆکاری ئەم تێرۆرە هێشتا دیار نییە و لێکۆڵینەوەکان لەمبارەیەوە دەستی پێکردووە .

هەندێک لە پیگەگەلی میدیایی هەواڵی عێراقی ش هەوالێکیان بەم ئاراستەیەوە بڵاو کردەوە و ووتیان کە کەسە کوژراوەکە تەمەنی ٣٦ ساڵان بووە .

ئەمە لە حاڵێکدایە کە تاکوو ئێستا میدیا فەرمییەکانی عێراق و حیزبی یەکیتی نیشتیمانی دەربارەی ئەم هەواڵە هیچ کاردانەوەیەکیان نیشان نەداوە .