بایدن : بە نیازی هەناردنی هێزی نیزامی بۆ هائیتی نیم
پەیامی کورد ... بایدن : بە نیازی هەناردنی هێزی نیزامی بۆ هائیتی نیم .
سەرۆککۆماری ئەمریکا جەختی کردەوە بە نیازی هەناردنی هێزی نیزامی و سەربازی بۆ هائیتی نییە .
بە پێی ڕاپۆرتێک لە زاری فڕانس ٢٤ لە دوای تێرۆری سەرۆککۆماری هائیتی لە لایەن گرووپێکی تاوانبارەوە ئەم وولاتە داوای هاوکاری لە ئەمریکا کردووە . سەرەڕای ئەوەی کە ئەمریکا بە فەرمی داواکارییەکەی هائیتی ڕەت کردووەتەوە بەڵام ئەم جارە جۆ بایدن یش جەختی کردووەتەوە کە ووڵاتەکەی بە نیازی هەناردنی هێزی نیزامی و سەربازی بۆ ئەم ووڵاتە لە حەوزەی دەریای کارائیب ی نییە .
جۆ بایدن ڕایگەیاندووە هەناردنی هێزی نیزامی بۆ هائیتی بۆ درووستکردن و بەدیهێنانی سەقامگیری لەم ووڵاتە لە دەستووری کاری ویلایەتەیەکگرتووەکان دا نییە .
سەرۆکوەزیرانی کاتی هائیتی یش هەم لە ئەمریکا و هەم لە ڕێکخراوی نێودەوڵەتی داوای هەناردنی هێزی سەربازی و نیزامی کردووە . بایدن ڕایگەیاندووە بۆ پارێزگاریکردن لە باڵیۆزخانەی ئەمریکا لە پۆرتۆپرەنس هێزی کۆماندۆ دەنیرێت بەڵام هێزی نیزامی و سەربازی بۆ ڕێژەی بەرز بە هیچ شێوەیەک بوونی نییە .
ئەمە لە حاڵێکدایە کە ئەمریکا لە لایەن گرووپگەلی مەدەنی هائیتی و ژەنەڕاڵگەلی پێشووی ئەم وولاتەوە داواکاریگەلێکی بەرفروانیان لە ڕاستای هەناردنی هیزی نیزامی و سەربازی بە دەست گەیشتوە .
جێگای ئاماژەدانە سەرۆککۆماری هائیتی ڕۆژی ٧ی ئەم مانگە لە لایەن گرووپێکی ٢٦ کەسی لە هاووڵاتیانی کۆڵۆمبیایی و دوو تاوانباری خەڵکی هائیتی - ئەمریکی یەوە تێرۆر کرا و کوژرا .
ئەم بابەتە 11991 جار خوێندراوەتەوە