به‌ڕێوبه‌رایه‌تی گشتی ته‌ندرووستی هه‌ولێر ئاگادارییەک بۆ ڕای هاووڵاتیان بڵاو دەکاتەوە
پەیامی کورد ... به‌ڕێوبه‌رایه‌تی گشتی ته‌ندرووستی هه‌ولێر ئاگادارییەک بۆ ڕای هاووڵاتیان بڵاو دەکاتەوە
به‌ڕێوبه‌رایه‌تی گشتی ته‌ندرووستی هه‌ولێر ئاگاداری هاووڵاتیان ده‌كاته‌وه، نه‌خۆشخانه‌ی فریاكه‌وتنی رۆژئاوای هه‌ولێر گه‌ڕاوه‌ته‌وه دۆخی ئاسایی خۆی و بۆ هه‌ر حاڵه‌تێكی كتوپڕ و فریاكه‌وتن هاووڵاتیان ده‌توانن سه‌ردانی بكه‌ن.
ته‌ندرووستی هه‌ولێر له‌ئاگادارینامه‌یه‌كدا كه ئاراسته‌ی هاووڵاتیانی كردوه رایگه‌یاندوه، نه‌خۆشخانه‌ی فریاكه‌وتنی رۆژئاوای هه‌ولێر له ئێستادا له پێشوازی دایه بۆ هه‌ر حاڵه‌تێكی فریاكه‌وتن و كت و پڕ، هاووڵاتیان ده‌توانن بۆ هه‌ر حاڵه‌تێكی له‌ناكاو سه‌ردانی فریاكه‌وتنی ڕۆژئاوای هه‌ولێر بكه‌ن.
ئه‌وه‌شی خسته‌ڕوو، نه‌خۆشخانه‌ی ئێمرجنسی وه‌كوو ڕابردوو گه‌ڕاوه‌ته‌وه باری ئاسایی خۆی و ته‌نها سووتان و به‌ركه‌وته‌ی گوله‌ی تێدا چاره‌سه‌ر ده‌كرێت.
پێشتر نه‌خۆشخانه‌ی فریاكه‌وتنی رۆژئاوای هه‌ولێر تایبه‌ت كرابوو به تووشبووانی كۆرۆنا و ئه‌و كه‌سانه‌ی تووشی ئه‌و په‌تایه بوون سه‌ردانی ئه‌و نه‌خۆشخانه‌یان ده‌كرد.
ئەم بابەتە 11990 جار خوێندراوەتەوە