بەرهەم ساڵح و سەرۆکایەتی یە " بڵق لە سەر ئاوەکەی " پێشوازی لە وەزیری هەواڵگری ئێران دەکات بۆ چ کارێک
پەیامی کورد ... بەرهەم ساڵح و سەرۆکایەتی یە " بڵق لە سەر ئاوەکەی " پێشوازی لە وەزیری هەواڵگری ئێران دەکات بۆ چ کارێک
به‌رهه‌م ساڵح بەناو سه‌رۆك كۆماری عێراق، ئه‌مڕۆ چوارشه‌ممه، له‌دیدارێكدا له‌گه‌ڵ وه‌زیری ئاسایشی نیشتمانی و هەواڵگری ئێران رایگه‌یاند، عێراق ده‌بێته فاكته‌رێك بۆ سه‌قامگیری و به‌یه‌كگه‌یشتی به‌رژه‌وه‌ندی هاوبه‌شی ووڵاتانی ناوچه‌كه، ھه‌روه‌ك ده‌بێته مایه‌ی به‌ھێزكردنی سه‌قامگیری و ئاسایش و ئاشتی له ناوچه‌كه‌دا. بەلێ بەس کوردستان لە کوێی ئەم سەقامگیرییە دایە ؟؟
به‌گوێره‌ی راگه‌ێندراوێكی سه‌رۆكایه‌تی كۆمار، به‌رهه‌م ساڵح ، ئه‌مڕۆ چوارشه‌ممه له كۆشكی سه‌لام له به‌غدا پێشوازیكرد له مه‌حموود عه‌لەوی، وه‌زیری ئاسایشی نیشتمانی ئێران، له سه‌ره‌تای دیداره‌كه‌دا مه‌حموود عه‌لەوی پرسه و سه‌ره‌خۆشی سه‌ركردایه‌تی ئێرانی گه‌یانده به‌رهه‌م و گه‌لی عێراق، به‌ھۆی كاره‌ساتی ئاگركه‌وتنه‌وه‌ی نه‌خۆشخانه‌ی حسێن له ناسریه.
له‌و دیداره‌دا گفتوگۆكرا له‌باره‌ی په‌یوه‌ندییه دووقۆڵییه‌كانی نێوان هه‌ردوو ووڵاتی دراوسێ و گرینگی په‌ره‌پێدانی بۆ ئاستێكی به‌رزتر له سه‌رجه‌م بواره جیاجیاكان، به‌جۆرێك خزمه‌ت به به‌رژه‌وه‌ندی هاوبه‌شی هه‌ردوو ووڵات و هه‌موو ناوچه‌كه بكات.
ھه‌ر له دیداره‌كه‌دا بەرهەم ساڵح جه‌ختیكرده‌وه، له‌سه‌ر قوڵی پێوه‌ندییه مێژوییه‌كانی نێوان عێراق و كۆماری ئیسلامی ئێران و پێویستی فراوانكردنی ھاریكاری دووقۆڵی نێوان هه‌ردوو ووڵات له سه‌رجه‌م بواره‌كاندا، ھاوكات دوپاتیكرده‌وه، "عێراقێكی تواناداری خاوه‌ن سه‌روه‌ری و سه‌قامگیر و پاراستنی په‌یوه‌ندییه ھاوسه‌نگه‌كانی له‌گه‌ڵ وڵاتانی دراوسێ و ناوچه‌كه ده‌بێته فاكته‌رێك بۆ سه‌قامگیری و به‌یه‌كگه‌یشتی به‌رژه‌وه‌ندیی هاوبه‌شی ووڵاتانی ناوچه‌كه، ھه‌روه‌ك ده‌بێته مایه‌یی به‌ھێزكردنی سه‌قامگیری و ئاسایش و ئاشتی له ناوچه‌كه‌دا، ھه‌روه‌ھا پشتیوانی كۆماری ئیسلامی ئێرانی له عێراق به‌رزنرخاند، به تایبه‌تی له روبه‌ڕوبونه‌وه‌ی تیرۆر و داعش.
لای خۆییه‌وه وه‌زیری ئاسایشی نیشتمانی ئێران جه‌ختی له‌سه‌ر گرینگی په‌یوه‌ندیی نزیكی نێوان هه‌ردوو ووڵات و گه‌ل كرده‌وه و پشتیوانی سه‌ركردایه‌تی ئێران یشی بۆ پاراستنی ئاسایش و سه‌قامگیریی عێراق و پته‌وكردنی هه‌ماهه‌نگی دووقۆڵی دووپاتكرده‌وه، به‌ئاراسته‌ی رووبه‌ڕووبوونه‌وه‌ی تیرۆر و تووندڕه‌وی و چه‌سپاندنی ئاشتی له ناوچه‌كه‌دا.
ئەوەی جێگای گرینگیدانە لەم سەردانەدا ئەوەیە کە لە ئێستادا کێشە ناوخۆییەکانی ناو یەکیتی نیشتیمانی گەیشتووەتە ئاستێکی مەترسیدار و کەسانی بەرپرسیاری ئەمنی و هەواڵگری بۆ چی دەبێ لە کاتێکی وەها هەستیار دا سەردانی بەرهەم ساڵح بکەن ئایا لەم نێوەندەدا چ ئاڵۆگۆڕێکی ئەمنی و هەواڵگری دەبێ بێتە ئاراوە و ئەوەی لە سلێمانی ڕوویداوە دەگاتە چ قۆناغێک ، بە ڕای چاودێرانی سیاسی مەترسییەکی گەورە لە ناوچەی سلیمانی بەدی دەکرێت ئەگەر کورد بە جیددیەتێکی ژیرانە و یەکریزیانەوە مامەڵە لەگەڵ ئەم ئاڵۆزییانەی ئەم دواییە نەکەن
بەرهەم ساڵح دەیەوەێ بگاتە چ مەبەستێکی وێرانکەر یا خود ئەگەر خودا هاوکاری بکات ببێتە هۆکاری ئاشتەوایییەک کە سەقامگیری پارچەی ووڵاتەکەی پێ دەستەبەر بکات نە وەک ببێتە دەستێکی پیس بۆ تێکدانی سەقامگیری ووڵاتەکەی خۆی و بە ناو ئاوەدانی بۆ عێراق ، وەک خۆی دەیوت پیاو دەبێ حۆرمەتی هەبێت ،
چاوەڕوانی ئەوە دەکەین چیتر بەرهەم ساڵح وەکوو پێشان درووشم بڵاو نەکاتەوە و دواتر شەرمەزاری بۆ خۆی بمێنێتەوە ئەویش لە سەر ڕێبازی کەسانی چەوساوە و قارەمان و ووڵات پارێز
ئەم بابەتە 11984 جار خوێندراوەتەوە