بەریتانیا و یەکیتی ئەورووپا لە سەر پەیمانی تیجاری دوای بێرگزیت گەیشتنە ڕێکەوتن
پەیامی کورد ... بەریتانیا و یەکیتی ئەورووپا لە سەر پەیمانی تیجاری دوای بێرگزیت گەیشتنە ڕێکەوتن
لەگەڵ ئەم ڕێکەوتننامەیە کۆتایی بە چەندین مانگ گێرە و کێشەی هەر دوو لایەن لە سەر داهاتووی تیجاری دێت .
دەوڵەتی بەریتانیا ئەم ڕێکەوتنەی هەواڵێکی زۆر گرینگ و جێگای سەرنج وەسف کردووە . ئۆرسێللا فۆن دێرلاین ، سەرۆکی کۆمیسیۆنی ئەورووپا ڕایگەیاند کە ئەم ڕێکەوتننامەیە عادیلانە و جێگای گرینگی یە .
ئەمە گەورەترین مامەڵەی تیجاری دوو لایەنەیە کە لە لایەن هەر دوو لایەنەوە واژوو کراوە .
بە بێ ڕێکەوتن ، بەریتانیا و یەکیتی ئەورووپا ناچار بوون گۆمرۆک گەلێکی بەرفروان لە سەر کاڵا و شت و مەک و خزمەتگوزارییەکانی یەکتر لە یەکەمی جانیوەری یەوە دابنێن . هەورەها هەر ڕێکەوتنێک دەبێ لە لایەن نوێنەرانی پەرلەمانی بەریتانیا و ئەورووپاوە پەسەند بکرێت .
بۆریس جۆنسن ووتوویەتی : هەر شتێک لە ماوەی هەمە پرسی سالی ٢٠١٦ و لە هەڵبژاردنە گشتییەکانی ساڵی ڕابردوودا قەولی بە خەڵک دراوبوو بەم ڕێکەوتنە ئەنجام دراوە .
ئەو هەورەها ووتوویەتی : ئێمە کۆنترۆڵی پارە ، سنوور ، یاساکان ، تیجارەت و ئاوەکانی ماسیگیری خۆمانمان جارێکی دیکە بە دەستەوە گرت و بە دەستمان هێنایەوە
ئەم بابەتە 12012 جار خوێندراوەتەوە