بەرەیەکی نەتەوەیی لە ئەفغانستان بۆ ڕووبەڕووبوونەوەی تاڵیبان پێکدەهێندرێت
پەیامی کورد ... بەرەیەکی نەتەوەیی لە ئەفغانستان بۆ ڕووبەڕووبوونەوەی تاڵیبان پێکدەهێندرێت
پاش داگیرکردنی چەندین شاری ئەفغانستان لەلایەن گرووپی تێرۆریستی تاڵیبانەوە، موحەممەد ئیسمائیل خان، یەکێک لە ڕێبەرانی پێشووی جیهادی ئەفغانستان لەگەڵ سەدان کەس لە گرووپە چەکدارەکانی سەر بە ناوبراو بەرەیەکی نەتەوەییان لە دژی تاڵیبان پێکهێناوە.
موحەممەد ئیسمائیل خان، ڕۆژی هەینی ١٨ی پووشپەڕی ١٤٠٠ی هەتاوی بە میدیاکانی ئەفغانستانی ڕاگەیاندووە کە سەدان کەس لە چەکدارانی سەر بە خۆی” بەرەیەکی نەتەوەییان” بۆ ڕووبەڕووبوونەوەی گرووپی تێرۆریستی تاڵیبان پێکهێناوە و ئەم بەرەیە پێکهاتووە لە خەڵکی هەرێمەکانی” بادغەیس، غوور، هەرات، نیمرووز، فاریاب، هێلمەند و قەندەهار”
ناوبراو لە دڕێژەدا وتی: ئەم شەڕە بەسەر ئێمەدا سەپێندراوە و زۆربەی هەرێمەکان بە دەستی گرووپی تاڵیبان داگیرکراوە و تاڵیبان دەیهەوێت لەگەڵ ئابڕووی خەڵکی هەرات یاری بکا کە ئێمە ئیزن بەو گرووپە نادەین و بەهەموو هێز و توانامانەوە ڕووبەڕووی ئەو گرووپە دەبینەوە.
ئەم بابەتە 11991 جار خوێندراوەتەوە