بەلەمێکی هەڵگری ١٣ کۆچبەر ژێر ئاو دەکەوێت و ٣ کەسیان بێ سەروشوێنن
پەیامی کورد ... بەلەمێکی هەڵگری ١٣ کۆچبەر ژێر ئاو دەکەوێت و ٣ کەسیان بێ سەروشوێنن
به‌له‌مێك به ١٣ كۆچبه‌ره‌وه له ده‌ریای ئیجه نزیك دوورگه‌ی لێسڤۆو به‌رامبه‌ر كه‌نار ئاوه‌كانی توركیا ژێر ئاو كه‌وت، تا ئێستا ١٠ كۆچبه‌ر ڕزگار كراون و ٣ كۆچبه‌ری دیكه‌ش نادیارن.
پێگه‌ی پشتی نیووزی تایبه‌ت به كۆچبه‌ر و په‌نابه‌ران بڵاویكرده‌وه، به‌ره‌به‌یانی ئه‌مڕۆ هه‌ینی، به‌له‌مێك به ١٣ كۆچبه‌ره‌وه له كه‌نار ئاوه‌كانی توركیا به‌ره‌و دوورگه‌ی لێسڤۆسی یوونان به‌ڕێكه‌وت، به‌هۆكارێكی نادیار، به‌له‌مه‌كه له سنووری نێوان ئاوی یۆنان و توركیا له‌كاركه‌وت و كۆچبه‌ره‌كان ژێر ئاوكه‌وتن.
ئه‌وه‌شی خسته‌ڕوو، "هێزی ده‌ریاوانی یۆنان توانیویانه ١٠ كۆچبه‌ر ڕزگار بكه‌ن، ٣ كۆچبه‌ری دیكه‌ش تا ئێستا چاره‌نووسیان نادیاره"
به‌رپرسی ڕاگه‌یاندی هێزی ده‌ریاوانی یوونان رایگه‌یاندوه، دو یه‌ختی هێزی ده‌ریاوانی یۆنان و هەلیكۆپته‌ر و كه‌شتیمان له شوێنی ڕوداوه‌كه‌ن و به‌دواداچون ده‌كه‌ن بۆ ٣ كۆچبه‌ره‌كه‌ی دیكه".
ئه‌وه‌شی روونكردوه‌ته‌وه، شوێنی ڕووداوه‌كه له باكووری دوورگه‌ی لێسڤۆس بوه له ئاوی یوونان، نزیك له سنووری ئاوی توركیا، بۆ سه‌لامه‌تی ژیانی كۆچبه‌ره‌كان، هێزی ده‌ریاوانی توركیاش ئاگاداركرایه‌وه.
ئەم بابەتە 11991 جار خوێندراوەتەوە