پەیامی کورد     ...    بەم ئەگەرە ئەمریکا گەمارۆگەلی تووندتر و قورستر بە سەر ئێران دا دەسەپێنێت .

لە ئەگەری شکستی گفتۆگۆەکانی ڤییەننا ، ئەمریکا گەمارۆگەلی تووندتر و قورستر بە سەر ئێران دا دەسەپێنێت

ڕۆژنامەی وال ژۆرناڵ ستریت لە ژمارەی دوێنێ دووشەممەی خۆیدا نووسی لە ئەگەری شکستی گفتۆگۆوەکانی ڤییەننا بۆ زیندووکردنەوەی بەرجام ئەمریکا بە نیازە گەمارۆگەلێکی توونتر و قورستر لە دژی کۆماری ئیسلامی ئێران و بە مەبەستی پێشگرتن لە هەناردەکردنی نەوتی ئەم ووڵاتە بۆ چین بسەپێنێت .

هەرچەندە لە دوای گەمارۆوەکانی سەرۆککۆماری پێشووی ئەمریکا دۆناڵد ترامپ لە دژی ئێران هەناردەکردنی نەوتی ئەم ووڵاتە بۆ چین بە سەدان هەزار بەرمیل لە ڕۆژێکدا کەمیکرد بەڵام لە سەرەتاکانی ساڵی ڕابردووەوە هەناردەکردنی نەوتی ئێران بۆ چین ڕۆژ لە دوای ڕۆژ ڕووی لە زیادتربوون کرد و لە ئێستا دەگاتە ڕۆژی یەک میلیۆن بەرمیل 

لە ڕۆژانی ڕابردوودا دیپلۆماتگەلی ئەمریکی ئامادە لە دانیشتنەکانی ڤییەننا ئێرانیان بە بڕیاردانی هەرچی زووتر دەربارەی ئەم گفتۆگۆیانە بانگهێشت کرد لە حاڵێکدا کە نوێنەرانی ئێران بەردەوامبوونی ووتووێژەکانیان بۆ دوای تەشکیل کردنی دەوڵەتی ئیبراهیم رەئیسی و بۆ ئۆکتۆبەری داهاتوو هێشتووەتەوە

هەر چەندە دەوڵەتی ئەمریکا ئامادەیی خۆی بۆ چارەسەرکردنی دیپلۆماتیکی کێشە و گرفتەکانی ئەتۆمی ئێران و زیندوو کردنەوەی بەرجام راگەیاندووە بەڵام لە هەمان حاڵدا پشتڕاستی کردووەتەوە کە کۆماری ئیسلامی ئێران کاتێکی زۆریان لە بەردەستدا نییە

ئەم بابەتە 11988 جار خوێندراوەتەوە