پەیامی کورد     ...   بەم مەرجە هاووڵاتیان دەتوانن سەفەری دەرەوەی ووڵات بکەن

بەڕێوبەری فڕۆکەخانەی نێودەوڵەتی ھەولێر ئاشکرای کرد، بڕیارێکی نوێ بۆ ھەموو ھێڵە ئاسمانییەکان دراوە و بۆ ئێمەش ھاتووە، ھەر کەسێک ڤاکسینی وەرنەگرتبێت، ناتوانێت گەشتی دەرەوەی ووڵات بکات، تەنھا ھەندێک حاڵەتی لەناکاو نەبێت وەکو نەخۆشی، کە پێویستە ئەوانیش پشکنینی کۆرۆنا بکەن ئینجا رێگەیان پێ دەدرێت.

ئەحمەد ھۆشیار، بەڕێوبەری فڕۆکەخانەی نێودەوڵەتی ھەولێر  ڕایگەیاند : "لە بڕیارێکی نوێدا، کە دەستەی فڕۆکەوانی شارستانی عێراق دەریکردووە و بۆ ھەموو ھێڵە ئاسمانییەکانی ناردووە و بۆ ئێمەش ھاتووە، مەرجی گەشتکردنی ھەر کەسێک بۆ دەرەوەی ووڵات ئەوەیە کە پێویستە ڤاکسینی وەرگرتبێت، ئەگەرنا رێگەی پێ نادرێت گەشتی دەرەوەی ووڵات بکات".

ھۆشیار گوتیشی، ئەو بڕیارەی دراوە، لە ١ی ١٠ی ئەمساڵ جێبەجێ دەکرێت و بۆ ئەوانەی سەردانی ھەرێمیش دەکەن، بە ھەمان شێوە پێویستە ڤاکسینیان وەرگرتبێت.

ناوبراو باسی لەوەش کرد، تەنھا ھەندێک حاڵەتی لەناکاو نەبێت ڕێگەپێدراوە، وەکو نەخۆشی، بەڵام پێویستە راپۆرتی پزیشیکییان لابێت و پشکنینی کۆرۆناشیان بۆ دەکرێت، ئەوکات رێگەیان پێ دەدەن گەشت بۆ دەرەوەی ووڵات بکەن.

ئەم بابەتە 11986 جار خوێندراوەتەوە